TAWARIKH 1 23:4 - Alkitab Singog In Mongondow Masa In Tanaa

⁴ Bo 24.000 in intau kon sigad monia tua in pinoki aidan in oaidan kon Baḷoi Tuhan, 6.000 in moindoi kon administrasi bo pelekara mita in pongadilan,

TAWARIKH 1 23:4 ပူးပေါင်းရင်းမြစ်များ

TAWARIKH 1 6:48

Oaidan mita ibanea kon baḷoi pooibadaan in inogoi kon topotakin mita monia inta intau in Lewi doman.

TAWARIKH 2 19:8

Kon Yerusalem doman, ki Yosapat noduí kon hakim mita nongkon intau mita in Lewi, imang doman mita, bo intau mita inta sinon itoi kon rayat. Mosia in mustibí mopoyotutui in pelekara mita inta ḻimimpat kon Hukum i Tuhan bo pelekara mita ibanea.

TAWARIKH 2 23:18

Bo ki Yoyada in nopotabá kon imang mita bo intau in Lewi moindoi kon oaidan kon Baḷoi Tuhan podudui in tonsilai in oaidan inta ain sinantú i Datu Daud. Mosia in mustibí moposumba in kuruban payongon kon i Tuhan – podudui in hukum mita i Musa – pongin porayaan takin dondong mita ná inta ain sinantú i Daud.

TAWARIKH 2 34:13

inogoian in oaidan moḷukad kon pogakutan kon pakakat mita, mobaḻí itoi kon intau mita mogogaid kon noyagi-yagimai in oaidan, monompia kon administrasi, bo moḷukad kon ngara.

NEHEMIA 11:22

Moḷoḷukad intau mita in Lewi inta nogutun kon Yerusalem in ki Uzi ki adí i Bani ki ompu i Hasabya. Kon sigad in mogoguyangnea in ki Matanya bo ki Mikha. Sia in noituot kon inanakan i Asap, inta inogoian in oaidan moindoi kon musik kon poibadaan kon Baḷoi Tuhan.

NEHEMIA 11:9

Yoël ki adí i Zikhri bo oḻitnea, ki Yohuda ki adí i Hasenua.

YEHEZKIEL 44:24

Aka momuká in bobayowan pelekara in hukum, yo musti toipaḷuton monia intua podudui in hukum-Ku mita. Mosia in mustibí monanob kon singgai mita moḷoben in agama, podudui in atorang mita bo hukum-Ku mita, bo mohoromat kon Sabat mobaḻí singgai inta ain sinantú kon i-Nakó.

MALEAKHI 2:7

Totuu kon nobaḻí oaidan in imang mita in motundú kon inta mobanar soaḷ Akuoi, ki Tuhan Inta Totok in moḷantud. Kon i monia tuata in poḻibóan in rayat mongo onu in koibog-Ku, sin mosia tua in totabá-Ku mita.

OUMAN IN RASUL MITA 20:28

Manangka intua yo mokopopiadon in moiko bo umuran moḷukad kon awak monimu bo poḷat doman ḷukadai in bayongan umat i Allah inta ain pinosarakan i Allah kon i monimu sinbá ḷukadan. Sin moiko nion ain sinantú in Roho i Allah mobaḻí moḷoḷukad bo mononompia kon umat i Allah inta ain sinobut-Nea in dugú i Adí-Nea tontaní.

ULANGAN 16:18

“Kon pomuḷoi in kotá inta inogoi i Tuhan Allahmu kon inimu, moiko in musti moduí kon hakim mita bo petugas mita ibanea sin mohakim kon rayat takin moadil.