TAWARIKH 1 22:9 - Alkitab Singog In Mongondow Masa In Tanaa

⁹ Umpaka natua, nodandi in Sia kon inakó nanaa: ‘Iko in mokouḻíbí kon adí ḷoḷaki tobatú inta momarenta takin mobiag motompia sin Akuoi in motuḷung kon inia dá diá in musung in monubu kon inia. Sia in tangoian ki Salomo sin kon bonu in sia in momarenta, Akuoi in mobogoibí in kobiagan motompia bo moaman kon bayongan in Israel.

TAWARIKH 1 22:9 ပူးပေါင်းရင်းမြစ်များ

DATU MITA IMITÁNEA 1:13

Ḷagidon bayá kon i Datu Daud, bo pogumandon nanaa kon inia: ‘Ki tuang datu ain nongibot kon inakó kon ki adíku ḷoḷaki ki Salomo in baḻíon datu momaḷui kon inakó! Yo tanaa in nongonubí sin ki Adoniabí in nobaḻí datu?’ ”

DATU MITA IMITÁNEA 2:15

Ki Adonia in notubag, “Kinotaauan i iná kon sabanarnea in akuoibí in mobaḻí datu; tua in inoḷat bidon mako in bayongan Israel. Táe noyoḻiudon in nobaḻí; ki ai-aikubí in nobaḻí datu, sin natua in kinoibog i Tuhan.

DATU MITA IMITÁNEA 3:7

Oo Tuhan, Allahku, Iko noduí kon inakó nobaḻí datu nonoḻiu kon i amáku, umpaka akuoi noguodpa totok bo diá nonotaau mongo naonda in pomomarenta.

DATU MITA IMITÁNEA 4:20

Rayat in Yohuda bo in Israel kobayongnea in naonda bo bungaion kon pintad. Kon i monia tua oyúonbí in kaanon bo inumon inta tugat pakéon bo nobiag doman nosanang.

DATU MITA IMITÁNEA 5:4

Táe tanaa in ki Tuhan Allahku ain nobogoi in kobiagan notompia kon bayongan in butá inta kon bonu in kawasaku. Bo diá bidon in musungku, bo diá doman in bodito in noiuma kon butáku.

DATU MITA IMITÁNEA 8:56

“Dinayo-dayowdon in ki Tuhan inta ain nobogoi in kobiagan notompia kon umat-Nea ná inta pinodandi-Nea pinongin i Musa mogogundoi-Nea. Bayongan inta mopia inta pinodandi-Nea ain inintompodan-Nea.

TAWARIKH 1 17:11

Kon singgai moiduduimai, aka modapotdon in wakutumu matoi bo ḷobongon in iko kon poḷoḷobongan in mogoguyangmu, adímu ḷoḷaki tobatú in baḻíon-Kudon datu. Siadon in moposindog in baḷoi kon i-Nakó. Dodatuan nea in irigonan, bo kon kinoouput in dunia naa tobatú nongkon buínea in momarenta mobaḻí datu.

TAWARIKH 1 22:18

Gumannea, “Ki Tuhan Allahmu ain notuḷung kon i monimu, bo nobogoi in dodamean bo bayongan in kobiagan motompia kon bayongan butá. Sia in nopountungdon kon inakó nongkon bayongan in bangusa inta dungkuḷmai nogutun kon butá tanaa. Tanaa mosia in notoguondokdon kon inimu bo kon i Tuhan.

TAWARIKH 2 6:15

Iko in nogintompodon kon dandi-Mu kon i amáku ki Daud. Onu in pinodandi-Mu tua inaidan-Mudon singgai in naa.

AYUB 34:29

Aka ki Allah in monantúdon kon tongá kibio-biómai, diábí tobatúmai in intau mokobaḻí mosingog kon i-Nia. Aka mogadop in Sia, diábí tobatúmai intau in mokouḻí kon i-Nia.

MAZMUR 72:1

Nongkon i Salomo. Oo Allah, tundúdon in hukum-Mu kon i datu, ogoiaidon in kooadil-Mu kon i adí ḷoḷaki i datu.

MAZMUR 72:7

Igumon mako kooadil in modugang kon bonu in wakutunea, bo kororomon in moiḻiu kon tungkuḷ in oyúonpa in buḷan.

YESAYA 26:12

Tuhan, Iko in mopobaḻíbí kon inami mobiag motompia; bayongan inta inaidan nami, Ikobí in nopoaid kon inami.

YESAYA 45:7

Akuoibí in nomia kon bayag bo sindip, Akuoi in mopoangoi in barakat bo bodito. Akuoi in ki Tuhan inta nogaid kon tua mita.

YESAYA 57:19

Akuoi in mobogoibí in kobiagan moaman kon bayongan in intau, pinomayá inta nodiug andeka inta noyayú. Akuoi in monompiabí kon umat-Ku.

YESAYA 66:12

Sin ki Tuhan in noguman, “Moiko in ogoian-Ku in kobiagan motompia naonda bo ongkag inta moiḻig kaoyúonan in bangusa mita in diaan poangoi kon inimu naonda bo ongkag inta moiḻebe-ḻebet. Moiko in naonda bo adí inta pinoteté bo kokoyo-koyot i inánea, bo iyapumai kon tompunukaneamai.

HAGAI 2:9

Baḷoi-Ku inta mobagu in mogagabí nongkon inta muna, bo kon naa Akuoi in mobogoi in kobiagan moodom bo kotomoman kon bangusa-Ku.” Ki Tuhan Inta Totok in mokawasa ain nosingog.

HAKIM MITA 6:24

Bo ki Gideon noposindog in mezbah tobatú kon tua bo sinangoiannea “Ki Tuhan Pangkoi in Kobiagan Motompia”. Mezbah tatua oyúonpa kon Opra, inta kotá intau in Abiezer.