TAWARIKH 1 22:6 - Alkitab Singog In Mongondow Masa In Tanaa

⁶ Ki Daud in nogoiní kon i adínea ḷoḷaki, ki Salomo, bo nomarenta kon inia moposindog in Baḷoi kon i Tuhan Allah inta sinumba in umat in Israel.

TAWARIKH 1 22:6 ပူးပေါင်းရင်းမြစ်များ

KINOBAḺIAN 12:20

Bo ki datu in nomarentadon kon tongonumai in pogawainea nogatod kon i Abram iḻumuai minayá nongkon butá in Mesir takin ki buḷoinea bo bayongan kapunyaannea.

SAMUEL 2 7:1

Ki Tuhan in noḷukad kon i Datu Daud nongkon bayongan in tuyayow in musung, dá sia in motaaudon umuran motantú kon bonu in komaḻignea.

DATU MITA IMITÁNEA 2:1

Naonda in motoyongdon matoi, ki Daud nogoiní kon i Salomo, adínea ḷoḷaki, bo nopoyaput in koyownea mita pangabisan. Ki Daud in noguman,

TAWARIKH 1 17:1

Naonda in ki Datu nogutundon notantú kon komaḻignea, kon singgai tobatú sia nogoiní kon i Nabi Natan bo noguman, “Indoiai, akuoi naa in nogutun kon komaḻig inta pinomia nongkon kayu ḷokuyú in Libanon, bo Poti Dodandian i Tuhan in tongábí kon bonu in ḷoḷaigan!”

TAWARIKH 1 28:2

Ki Daud in sinimindog kon tayowon monia bo noguman, “Utatku mita inta tongobangusaku, indongogaipa! Noonggotdon in niatku moposindog in baḷoi tobatú sin potagúan kon Poti Dodandian, pomomuntukan i Tuhan Allah naton. Akuoi in nosadiadon kon moposindog in baḷoi tobatú tampat pososumbaan kon i-Nia.

PINOGIAPAN 27:23

Bo nopoukat in ḻimanea kon uḷu i Yosua bo nopotaau kon ki Yosua tua in toḻiunea, ná inta ain pinoguman i Tuhan kon inia.

OUMAN IN RASUL MITA 1:2

noidapot in singgai kinobingkatan-Nea kon soroga. Kon wakutu in Sia diápa namonik in soroga, takin kawasa in Roho i Allah, Sia in nobogoidon muna in parenta-Nea kon rasuḷ mita inta piniḻí-Nea.

ULANGAN 31:14

Onda intua ki Tuhan noguman kon i Musa, “Kobiaganmu in diádon moonggot. Dá, oinídon in ki Yosua bo diádon in sia kon Ḷoḷaigan-Ku, sinbá Akuoi in motaaudon mobogoi in topotundú mita kon inia.” Dá minayádon in ki Musa bo ki Yosua kon Ḷoḷaigan i Tuhan,

ULANGAN 31:23

Onda intua ki Tuhan noguman kon i Yosua, adí i Nun, kai-Nia, “Korigon in gina bo kobarani in iko, Yosua! Iko in modia kon bangusa Israel tumuot kon butá inta pinodandi-Ku kon i monia, bo akuoi in motuḷung kon i monia.”

TIMOTIUS 1 5:21

Kon tayowon i Allah, bo i Yesus Kristus bo in malaekat mita inta piniḻí-Nea, pogumankudon kon inimu sinbá dumuduidon in iko totu-totuu kon onu inta sinundúku mita tanaa, ḷumbúbí in raianmu inta diá mopia kon i inekabí bo aidaidon in naa komintan bo dikabí mopoyoposi kon intau.

TIMOTIUS 2 4:1

Ki Kristus Yesus in mamangoi bui kon dunia naa sin monantúdon kon taḷá in intau mita inta nobiagpa bo inta ain minatoi. Bo mamangoidon in Sia momarenta saḷaku Datu. Tuamai kon tayowon i Allah bo i Yesus Kristus, poigumonkudon totok kon inimu.