TAWARIKH 1 22:5 - Alkitab Singog In Mongondow Masa In Tanaa

⁵ Bayongan intua inaidan i Daud sin sia in norai nanaa: “Musti in akuoi moposadia in bayongan onu inta pakéon pogaid kon Baḷoi Tuhan. Sin ki Salomo ki adíku ḷoḷaki in nobagupa bo diápa kopongalaman, bo Baḷoi Tuhan inta posindogonnea in mustibí mogaga totok bo ponango-nangoian kon sinangkub in dunia naa.” Dá kon dodai in ki Daud diápa minatoi, nobarongdon totok in sinadianea in pakakat mita pogaid kon baḷoi tatua.

TAWARIKH 1 22:5 ပူးပေါင်းရင်းမြစ်များ

DATU MITA IMITÁNEA 3:7

Oo Tuhan, Allahku, Iko noduí kon inakó nobaḻí datu nonoḻiu kon i amáku, umpaka akuoi noguodpa totok bo diá nonotaau mongo naonda in pomomarenta.

DATU MITA IMITÁNEA 9:8

Baḷoi pososumbaan tanaa in mogoguyaatdon dá pomuḷoi in intau inta moitaḻib kon tua in moitaḻikokogdon bo mokoningkim. Mosia in mogumandon, ‘Nongonu sin pomiaanbí i Tuhan natua in butá bo baḷoi tanaa?’

TAWARIKH 1 29:1

Bo ki Datu Daud in nogumandon kon bayongan in intau inta noyosipun kon tua, “Nongkon bayongan in adíku ḷoḷaki, ki Salomobí in piniḻí i Allah. Táe nobagupa totok in sia bo noyakagpa in pongalamannea bokaka oaidan tanaa in totokbí in moḷoben. Apa doman inta posindogon tatua in deemanbí komaḻig in intau, táe baḷoibí kon i Tuhan Allah.

TAWARIKH 2 13:7

Nosipun in sia kon topaanan in intau mita inta diá koendar bo nomakisa kon onu inta kinoibog monia kon i Rehabeam ki adí ḷoḷaki i Salomo, inta kon dodai intua noiḻiupa in bagu bo diápa kopongalaman noparang.

TAWARIKH 2 2:4

Tanaa moibog in akuoi moposindog in baḷoi poibadaan tobatú inta ain sinantú kon pohoromatan kon i Tuhan Allahku. Kon baḷoi tatua akuoi bo rayatku in moibada kon i-Nia takin motubá kon dupa inta mongo bo mongobondu, bo moposumba in roti oḷudon kon inia mokopotantú. Kon baḷoi doman tatua moposumbadon in kami in kuruban payongon muḷoi in doḷo-doḷom bo doḷom, muḷoi in singgai in Sabat, singgai moḷoben Buḷan Mobagu bo singgai mita inta ain sinantú sin mohoromat kon i Tuhan Allah nami. Sin, Sia in nomarentadon sinbá tua in umuran pomiaan in intau Israel modapot in kopaḷutannea.

TAWARIKH 2 2:5

Ibogonku sinbá Baḷoi Tuhan inta bain posindogonku tatua mobaḻí baḷoi inta momulia, sin ki Allah nami in momuli-mulia nongkon ilah mita inta taondaka.

TAWARIKH 2 2:8

Kinotaauankubí kon intau mita inta mononaḷun kon kayu kon butá i Tuang in mopandoi momupuḷ kon kayu, tuamai in poigumonku ki Tuang in moibogpa mokidia mangoi kon inakó in noyagi-yagimai in kayu ḷokuyú bo kayu sondana nongkon Libanon. Bain akuoi mopotabá kon intauku mita sin motuḷung kon intau mita i Tuang,

TAWARIKH 2 7:21

Baḷoi pooibadaan tanaa totokbí in ihoromat táe kon dodai intua bayongan in intau inta tumaḻib kon tua moherangbí in mokoontong. Mogumandon in mosia, ‘Nongonu sin pomiaanbí i Tuhan intua kon butá bo kon baḷoi tanaa?’

EZRA 3:12

Nobayong in kon sigad in imang mita, intau mita in Lewi bo tongguḷu mita in inanakan inta ain nogoguyang in nokoimontandon nokoontong kon Baḷoi Tuhan inta muna. Naonda in mosia nokoontong kon pinogukatan kon pondasi in Baḷoi Tuhan tanaa, nongombaḷdon totok in mosia. Táe intau mita ibanea inta kon tua in nonggoḷokap sin noḷunganga in gina,

AMSAL 4:3

Kon tungkuḷ in akuoi nointokpa, ki adí tuḷong in guyangaku,

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

YESAYA 64:11

Baḷoi i Allah inta motusi bo momulia tampat in mogoguyang nami modayowmai kon ini-Mu, aindon kinaan in tuḷú; bayongan tampat inta kinoibog nami aindon nobaḻí goguyaatnea.

YEHEZKIEL 7:20

Dungkuḷmai mopia in gina monia kon permata monia inta mongogaga, táe popisí in pinakédon monia nomia kon berhala mita inta mokorongó, dá binaḻí i Tuhan in kapunyaan monia nobaḻí inta mokokoningkim.

HAGAI 2:3

“Oyúon degá in kon sigad monimu in nokotoropa kon naonda in kogogaga in Baḷoi-Ku tungkuḷ intua? Tanaa in naonda in kaadaannea, podudui kon inimu? Totokbí in diá mokosanang kon gina!

HAGAI 2:9

Baḷoi-Ku inta mobagu in mogagabí nongkon inta muna, bo kon naa Akuoi in mobogoi in kobiagan moodom bo kotomoman kon bangusa-Ku.” Ki Tuhan Inta Totok in mokawasa ain nosingog.

LUKAS 21:5

Naonda intau mita nongonguman kon kogogaga in Baḷoi Tuhan inta ain kinompitan in batu mita mongogaga takin pakakat mita inta ain pinosumba kon i Allah, dá ki Yesus in noguman kon i monia,

YOHANES 13:1

Tosinggaipa in Singgai Moḷoben Paska, koyongandon kinotaauan i Yesus kon wakutuneadon Sia in monaḷámai kon dunia naa sin mobuidon kon i Amá-Nea. Sia motabi kon intau mita inta nobaḻí kapunyaan-Nea kon dunia naa, bo tantú-Neabí doman kotabi umaai in kopaḷutan dunia naa.

YOHANES 3:30

Kawasa-Nea in mustidon kodugang-kodugang bo akuoi in kointok-kointokdon.”

YOHANES 9:4

Kon dodai in nobayagpa, kita in musti mogaid kon oaidan i-Nia inta nopotabá kon i-Nakó. Moiangoibí in doḷom, bo diábí in tobatúmai intau in motaau mogaid.