TAWARIKH 1 22:2 - Alkitab Singog In Mongondow Masa In Tanaa

² Ki Datu Daud nokisipun in bayongan intau ango-angoi inta nogutun kon butá in Israel, bo pinoki pogaidannea in mosia. Tongosilai kon i monia in nongurig kon batu sin pakéon pobaḷoi kon Baḷoi Tuhan.

TAWARIKH 1 22:2 ပူးပေါင်းရင်းမြစ်များ

SAMUEL 2 5:11

Ki Datu Hiram nongkon Tirus nopotabá in intaunea mita moḷoben namangoi kon i Daud, bo kayu mita ḷokuyú in Libanon bo mogogimok mita kon kayu takin intau mita inta motaau mopoyoguntuḷ mita in batu sin moposindog in komaḻig.

DATU MITA IMITÁNEA 6:7

Saḷabaku mita tatua in kayu mita ḷokuyú in Libanon. Ḷoḻingkop kon gopot mita indugangnea kon ḷundukan kon ḻimonag noiukat kon dotá in toḷatan, bo mopobayá ná ḷundukan nogindua bo nogintoḷu oyúon in tukad nomurow. Onda intua ki Salomo nomia kon ḷuntung in baḷoi tatua. Tuamai sia nomaké bilabag mita bo dopí nongkon kayu ḷokuyú Libanon. Koyogot pogaidan kon Baḷoi i Tuhan tatua, totokbí in diá kodongogan singog in popangkuḷ, boḻiung andeka pakakat mita uatoi, sin batu mita inta pinaké pinobaḷoi tatua ain sinadia muna kon dodai in kon tampatnea mita muna. Natuata in ki Salomo noposindog in Baḷoi i Tuhan tatua nodapot in noḷapat.

DATU MITA 2 12:12

intau mita inta mopoyoguntuḷ in batu takin mongongurig. Moḷoḷukad doman mita in motaḷui kon kayu bo batu, bo poḷat monoḻisí kon bayongan inta pinaké kon ponompiaan tatua.

DATU MITA 2 22:6

in mogogimok, bo mogogaid kon bangunan bo bas in batu, bo motaḷui kon kayu bo batu inta pakéon.

TAWARIKH 1 14:1

Ki Datu Hiram nongkon butá in Tirus nopotabá in intaunea mita namangoi kon i Daud, poḷat doman nokidia in kayu ḷokuyú in Libanon bo mogogimok mita kon kayu takin bas mita in batu sin moposindog in komaḻig.

TAWARIKH 1 29:1

Bo ki Datu Daud in nogumandon kon bayongan in intau inta noyosipun kon tua, “Nongkon bayongan in adíku ḷoḷaki, ki Salomobí in piniḻí i Allah. Táe nobagupa totok in sia bo noyakagpa in pongalamannea bokaka oaidan tanaa in totokbí in moḷoben. Apa doman inta posindogon tatua in deemanbí komaḻig in intau, táe baḷoibí kon i Tuhan Allah.

TAWARIKH 2 2:16

Kami in momupuḷbí kon kayu ḷokuyú nongkon buḷud in Libanon ná kobayong inta paraḷuon i Tuang, bo togoton tonggakiton, bo iḻigon pongin dagat modapot in Yope. Nongkon tua motaaudon akuton i Tuang diaan mayá in Yerusalem.”

TAWARIKH 2 2:17

Ki Datu Salomo in nogiap kon bayongan intau ango-angoi inta nogutun kon Israel, ná inta nokoimontandon inaidan i Datu Daud ki amánea. Noniata magí yo 153.600 in intau ango-angoi.

EZRA 3:7

Rayat in nobogoidon in doit sin ponondan kon bas mita in batu bo mogogimok mita kon kayu. Mosia in nokidia doman in kaanon, oinumon bo ḷana in zaitun kon kotá mita in Tirus bo Sidon sin ponoḻiu kon kayu ḷokuyú in Libanon nongkon kotá mita tatua. Kayu tatua in dinia kon Yapo pinongin dagat. Tua komintan inaidan in rayat pinodoyon kon parenta i Kores, datu in Persia.

EPESUS 2:12

Kon wakutu intua moiko in diápa notobatú i Kristus, yo moiko nion intaubí mita mokokiangoi inta diá noitakin kon umat inta piniḻí i Allah. Bo moiko in diábí doman noibonu kon dodandian inta inaidan i Allah takin umat-Nea. Moiko in nobiag kon dunia naa takin diá koharapan bo diá doman in Allah.