TAWARIKH 1 22:19 - Alkitab Singog In Mongondow Masa In Tanaa

¹⁹ Dá pogundoidon in moiko kon i Tuhan Allahmu takin ḻimbatú in ropotmu. Pomangkoidon pogaid kon baḷoi kon i Tuhan, sinbá Poti Dodandian-Nea bo bayongan in pakakat ibanea inta tongá pakéon kon ibada in motaaudon tagúon kon tua.”

TAWARIKH 1 22:19 ပူးပေါင်းရင်းမြစ်များ

DATU MITA IMITÁNEA 5:3

“Datu Hiram Inta Momulia! Tantú kinotaauan bidon i Tuang kon ki amáku ki Daud in umuran pakisa moparang sin tubuonmai in musung nongkon butá mita inta kon diugmai nami. Bo popisí in ki Tuhan diápa nobogoi in kauntungan kon inia nongkon bayongan in musungnea, dá diápa in sia nokoposindog in tampat pososumbaan kon i Tuhan Allahnea.

DATU MITA IMITÁNEA 8:21

Kon bonu in Baḷoi Tuhan tatua aindon sinadiaku in tampat in Poti Dodandian inta pinotagúan kon batu inta pinomaisan kon dodandian i Tuhan takin mogoguyang naton kon tungkuḷ in Sia nodia kon i monia iḻumuai nongkon Mesir.”

DATU MITA IMITÁNEA 8:6

Nopaḷut mako kon tua imang mita nodia kon Poti Dodandian tatua pinotuot kon Baḷoi Tuhan bo inukat kon ḻimonag in patong mita in kerub kon bonu in Yuang Totok Motusi.

TAWARIKH 1 16:10

Siabí in ki Tuhan inta tuḷong; koḷungangadon, sin kita naa Siabí in kitogi; bayongan inta mosumba kon i-Nia in koḷungangadon.

TAWARIKH 1 16:11

Poigumdon kon ropot nongkon i-Nia, umurandon sumba in Sia.

TAWARIKH 1 22:16

buḷawan, saḷaka, bitú, bo uatoi. Yo, ḷagidon pangkoiai! Igumon mako ki Tuhan motuḷung kon inimu”.

TAWARIKH 1 22:7

Guman i Daud kon i Salomo, “Adíku, noonggotdon in akuoi nokoiniat moposindog in baḷoi tobatú sin mohoromat kon i Tuhan Allahku.

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

TAWARIKH 2 20:3

Noondok in ki Yosapat bo nosambayang in sia nopoigum in totundú i Tuhan. Onda intua sia in nomarenta sinbá bayongan in rayat mopuasa.

TAWARIKH 2 5:7

Nopaḷut mako kon tua imang mita noponuotdon in Poti Dodandian tatua kon Baḷoi Tuhan bo inukat kon ḻimonagan in patong kerub kon bonu in Yuang Inta Totok in Motusi.

TAWARIKH 2 6:11

Kon bonu in Baḷoi Tuhan tatua in sinadiakudon in tampat potagúan kon Poti Dodandian inta pinobonuan kon batu dodandian i Tuhan bo in intau in Israel.”

MAZMUR 119:2

Pia in kamang in intau inta dinumudui kon parenta-Nea, bo takin ḻimbatú in gina moḷongasi monotaau kon i Tuhan.

MAZMUR 14:2

Nongkon Soroga ki Tuhan moindoi kon umat intau sin motayak kon intau mobijak inta mosumba kon i-Nia.

MAZMUR 27:4

Tongábí tobatú in igumonku kon i Tuhan, tongábí naa in koibogku: mogutun kon Baḷoi Tuhan kinoouput in kobiaganku, sin motarima kon kopopia i Tuhan bo mopoigum sinbá kapiton-Nea.

IḶUAIAN 25:8

Potabádon in bangusa tatua momia kon ḷoḷaigan tobatú kon i-Nakó, sinbá Akuoi motaaudon mogutun kon yua-yuak monia.

YESAYA 60:1

Sindogdon bo kobaḻídon bayag, ei Yerusalem, sin bayag in kasaḷamatanmu in noiangoidon; Ki Allah in monimbayagbí kon inimu takin kamuliaan-Nea.

YEREMIA 29:13

Moiko in motayakbí kon i-Nakó bo moyodungkuḷ-Kubí, sin moiko in motayak takin ḻimbatú in gina.

DANIEL 9:3

Bo nosambayangdon totu-totuu in akuoi kon i Tuhan Allah, bo nopoigum in totabi-Nea. Akuoi in nopuasa bo nogiḷambung in ḷambung karong bo iḻimitú kon tudu in ḷobud.

HAGAI 1:5

Tungkuḷaika, taridiai in kaadaanmu!

HAGAI 1:8

Tanaa, in potakodon kon tombuḷud mita sin mogamá kon kayu, bo posindogdon in Baḷoi-Ku; dá mopiabí in gina-Ku bo Akuoi in sumbaandon bui podoyon kon inta moitutui. Bo, taridiaidon bui in kaadaanmu!

OUMAN IN RASUL MITA 11:23

Naonda in noiyaput kon tua in ki Barnabas, bo nokoontong kon naonda in Allah nomarakat kon i monia, nopia totok in ginanea. Bo sia in nopoigum domandon kon bá mosia in totu-totuudon mopirisaya bo motoindudui kon i Tuhan.

OUMAN IN RASUL MITA 22:16

Bo tanaa in donaaidon mokopoonggot in iko, pobangondon bo bayádon pokibaptis. Pokuanidon kon i Tuhan sinbá iko in pilatandon nongkon bayongan in dosamu.’ ”

ULANGAN 4:29

Bo moiko in motayakdon kon i Tuhan Allahmu, bo aka moiko motayak kon i-Nia takin ginamu totu-totuu, yo mouḻímubí in Sia.