TAWARIKH 1 22:17 - Alkitab Singog In Mongondow Masa In Tanaa

¹⁷ Bo ki Daud nopotabá kon bayongan itoi in Israel notuḷung kon i Salomo.

TAWARIKH 1 22:17 ပူးပေါင်းရင်းမြစ်များ

TAWARIKH 1 22:18

Gumannea, “Ki Tuhan Allahmu ain notuḷung kon i monimu, bo nobogoi in dodamean bo bayongan in kobiagan motompia kon bayongan butá. Sia in nopountungdon kon inakó nongkon bayongan in bangusa inta dungkuḷmai nogutun kon butá tanaa. Tanaa mosia in notoguondokdon kon inimu bo kon i Tuhan.

TAWARIKH 1 28:21

Pinosilaian kon oaidan mopobayá in ibada kon Baḷoi Tuhan ain sinantú kon sigad in imang mita bo intau in Lewi. Mogogaid mita inta mongotaau kon oaidannea kon batúan monia in motuḷungbí kon inimu takin sanang in gina, bo itoi mita takin bayongan in rayat in dumuduibí kon parentamu.”

TAWARIKH 1 29:6

Dá tongguḷu mita in inanakan, tongguḷu in suku, porwira mita bo moḷoḷukad kon kapunyaan i datu in noguman doman kon mosia in moibog doman mosumbang.

PILIPI 4:3

Bo poigumonku kon i monimu Sunsugos, yobayatku inta totok in mosatia, tuḷungai in mosia, sin mosia noramujidon totok in nogaid takinku nopotaau in Habar Mopia inta nongkon i Allah; mosia tua naonda bo tai Klemen bo bayongan in intau inta nogaid noyotakinku. Tangoi monia tua in pinaisdon kon bonu in Buk Intau Nobiag.

YOHANES 3 1:8

Sin tuamai, kita intau mita in Keresten in musti motuḷung kon yobayat mita tumpaḷa Keresten inta ná tatua, sinbá kita moitakindon moramuji mopohabar in totundú inta noitutui nongkon i Allah.