TAWARIKH 1 22:13 - Alkitab Singog In Mongondow Masa In Tanaa

¹³ Aka iko dumudui kon bayongan in hukum inta inogoi Tuhan kon i Musa kon bangusa in Israel, yo iko in mokodapotbí kon onu inta nobaḻí niat. Iko in mustibí moyakin bo mobarani. Dika moondok in moyogintayow in onukabí.

TAWARIKH 1 22:13 ပူးပေါင်းရင်းမြစ်များ

DATU MITA IMITÁNEA 2:2

“Wakutukudon matoi in naa. Pokoyakin bo pokobarani in iko.

DATU MITA IMITÁNEA 2:3

Aidaibí in onu inta pinarenta i Tuhan Allahmu kon inimu. Duduiai in bayongan hukum bo parenta-Nea inta pinais kon bonu in Buk i Musa, sinbá kon ondaka in bayáanmu yo kodapotanmu in bayongan inta iḷongasimu.

TAWARIKH 1 28:10

Toropdon kopira kon ki Tuhan in nomiḻídon kon inimu sin moposindog in baḷoi inta ain sinantú kon i-Nia. Dá tanaa in aidaidon intua takin ibog moḷoben.”

TAWARIKH 1 28:20

Onda intua ki Datu Daud noguman bui kon i Salomo adínea ḷoḷaki. “Iko in musti mokopoyakin bo mokopobarani. Pangkoidon in oaidan tatua bo dika moondok kon onuka. Ki Tuhan Allah inta sinumbaku in motuḷungbí kon inimu. Diábí in Sia monaḷámai kon inimu. Umuran-Neabí takinan in iko modapot in moḷapatdon komintan in oaidan tatua.

TAWARIKH 1 28:7

Aka sia totu-totuudon umuran dumudui kon bayongan in hukum bo parenta-Ku mita ná inta ain inaidannea tanaa mako, poropoton-Kudon in dodatuan nea moidapot in mononoi.’ ”

TAWARIKH 2 14:6

dá notaaudon in sia noposindog poḷoḷukadan mita kon kotá mita in Yohuda. Tongonumai notaong diábí in parang sin ki Tuhan in nobogoi in kaadaan noonow kon inia.

TAWARIKH 2 20:20

Nopoikoḷomai kon singgai, subupa totok, rayat iḻumuai bo minayá in butá kon padang gurun kon diug in Tekoa. Kon dodai in mosia mobuatdon, ki Yosapat nobogoi in koyow tanaa kon i monia, “Rayat in Yohuda bo Yerusalem! Popirisayabí kon i Tuhan Allahmu, dá mokotongodbí in moiko. Tarimadon in tonggina mita in nabimu mita, dá kodapotanbí monimu in sinayak monimu!”

TAWARIKH 2 26:5

Ki Zakharia in mononongginanea. Kon bonu in ki Zakharia nobiagpa, ki Uzia in umuranbí nosatia in noibada kon i Tuhan dá binarakatan i Tuhan in sia.

TAWARIKH 2 32:7

“Korigon in gina bo mokopoyakin; dikabí moondok kon i datu in Asyur andeka kon tontaranea. Kitabí in moropo-ropot in mosia.

MAZMUR 1:3

Intau tatua in mokodapot kon bayongan totayaknea; sia in naonda bo pangkoi in kayu inta kon bingkí in tubig inta momungai kon sempo in pomomungainea bo inta diá moḷaḷo-ḷaḷow in daunnea.

MAZMUR 119:6

Aka akuoi monaridimai kon bayongan in parenta-Mu, dá akuoi in diábí pokopooyáanmai.

MAZMUR 72:1

Nongkon i Salomo. Oo Allah, tundúdon in hukum-Mu kon i datu, ogoiaidon in kooadil-Mu kon i adí ḷoḷaki i datu.

HAGAI 2:4

Tongá, donaaidon moinggamá in kamang, ei moiko komintan! Ingguputaidon in oaidan tatua, sin Akuoi in umuranbí motuḷung kon i monimu.

ZAKHARIA 8:9

Ki Tuhan in noguman kon umat-Nea, “Koropot in ginamu! Tanaa moiko in nokodongogdon kon tosingogon mita inta ain doman siningog in nabi kon dodai in dodatoḷan inukat, sin moposindog bui in Baḷoi-Ku.

MATIUS 3:15

Táe ki Yesus in notubag: “Pomayádon mako, diábí nongonu, sin natuabí in kita aka mogintompod kon bayongan inta kinoibog i Allah.” Dá binaptis domandon i Yohanes in Sia.

OUMAN IN RASUL MITA 13:22

Naonda in kinodoídon i Allah in sia, ki Allah nomiḻídon kon i Daud nobaḻí datu monia. Bo tanaa inta pinoguman i Allah soaḷ ki Daud, ‘Nouḻí-Kudon in ki Daud inta ki adí i Isai tobatú intau inta totok in mokosanang kon gina-Ku. Sia tua inta motoindudui kon onu in kinoibog-Ku.’

KORINTUS 1 16:13

Umuran mokopoingat! Sindog kotorindog kon bonu in pirisayamu saḷaku intau Keresten. Mokopobarani bo mokoporopot!

GALATIA 6:2

Mosituḷungan aka mokoontong kon roriga ande oaidan in intau ibanea, sin aka tua in aidan monimu yo dinumuduidon kon parenta i Kristus in moiko.

EPESUS 6:10

Naa in singogku pangabisan, paké in ropot inta nouḻí monimu nongkon kawasa i Tuhan, sin moiko in notobatúdon takin-Nea.

TIMOTIUS 2 2:1

Uḻe Timotius adíku! Totabi inta inogoi kon i naton sin notobatúdon i Kristus in kita, baḻí intua dodoyonan inta mokoroton kon inimu.

YAKOBUS 2:8

Moiko in mogaid kon inta moitutui, aka aidan monimu in hukum inta totok in moponting inta pinais kon bonu in tontagá in Buk Motusi nanaa: “Kotabibí in tumpaḷa intau ná kotabimu kon awakmu tontaní.”

YOSUA 1:18

Bayongan in intau inta doí dumudui kon parentamu bo doí mokidongog kon tosingogonmu, in hukumon matoi. Pokoyakin bo pokobarani in iko!”