TAWARIKH 1 21:8 - Alkitab Singog In Mongondow Masa In Tanaa

⁸ Bo nosambayangdon in ki Daud kon i Allah kainia, “Oo Allah, akuoi naa in totokdon in binaradosa, ampungaipa kaasí in akuoi naa sin aidku tatua in nopompuḷongdon totok.”

TAWARIKH 1 21:8 ပူးပေါင်းရင်းမြစ်များ

KINOBAḺIAN 34:7

Tongkaná intua ki adí mita i Yakub nobuidon nongkon tampat pinopokaanan monia in bobiagon. Nokodongogmai kon onu in nobaḻí tatua, mosia in noitaḻikokog bo totok in sinumorú. Sin aid i Sikhem natua kon i adí i Yakub notongkai in mosia nokopooyámaidon kon bayongan intau Israel.

SAMUEL 2 12:13

Bo noguman in ki Daud kon i Natan, “Binaradosadon in akuoi kon i Tuhan.” Tubag i Natan, “Ki Tuhan in nongampungdon kon i Tuang; dá ki Tuang in diábí matoi.

SAMUEL 2 13:13

Aka mobaḻí intua, yo pobayákudon in onda in pogotku naa? Bo iko in singkuḻeonbí doman in intau in Israel. Mopia-piabí kon yosingogonmu takin i datu, pasti moibogbí in ki datu aka akuoi mobaḻí ki buḷoimu.”

SAMUEL 2 24:10

Táe naonda in ki Daud nopaḷut nokiiap in bangusa tatua, irainea kon noitaḷádon in sia, bo sia noguman kon i Tuhan, “Oo Tuhan, binaradosadon totok in akuoi! Apungaidon in akuoi, sin aidku tatua in totokdon in nobodok.”

TAWARIKH 1 21:7

Kinodoíbí i Allah in pinogiapan tatua bo ihukum-Nea in intau in Israel.

TAWARIKH 2 10:9

Sia in noḻibó kon i monia, “Aka kon i monimu yo naonda in pototubag kon rayat inta nopoigum sinbá akuoi moginggaan kon oaidan monia?”

MAZMUR 25:11

Tuhan, ampungaidon in akuoi podudui in dandi-Mu, sin moḷobendon in taḷáku.

MAZMUR 32:5

Bo akuoi in nongakudon kon dosaku kon ini-Mu, taḷáku diá in binuniku. Sinantúkudon kon akuonku kon ini-Mu, bo inampungan-Mu in bayongan in dosaku.

YEREMIA 3:13

Akudon kon iko in kotaḷá bo ain nomarontak kon i Tuhan, Allahmu. Akudon kon bayongan siungon in pangkoi in kayu inta mobambar iko in nobogoidon in tabimu kon ilah mita in bangusa ibanea, bo diá dinumudui kon parenta-Ku mita. Akuoi, ki Tuhan ain nosingog.”

HOSEA 14:2

Pobuidon mangoi kon i Tuhan Allahmu, ei bangusa in Israel! Dosamu ain nokopopisí kon inimu norondog bo noḷabú.

YOHANES 1:29

Nopoikoḷomai kon singgai, indoianmai Yohanes ki Yesus namangoi kon inia. Bo ki Yohanes in noguman, “Indoiai, tuata in ki Adí in Domba i Allah inta momopat kon dosa in dunia.

YOHANES 1 1:9

Táe aka akuondon naton in taḷá mita naton kon i Allah, dá aidan-Neabí in onu inta ain pinodandi-Nea bo pobayá-Nea doman onu inta moadil. Ampungan-Neabí in bayongan dosa naton poḷat daritan-Nea doman in kita nongkon bayongan in oaid inta moraat.

SAMUEL 1 13:13

Nokodongogmai kon natua, ki Samuel in noguman kon i Saul, “Mobodok totok in aid i Tuang tatua. Aka kuma bo ki Tuang in dinumudui kon parenta i Tuhan Allah kon i Tuang Datu, yo tantúon bidon i Tuhan kon mononoi in Tuang Datu bo buí i Tuang Datu in momarenta mobaḻí datu kon Israel naa.

SAMUEL 1 26:21

Bo ki Saul in notubag, “Akuoi ain nogaid kon noitaḷá. Pobuidon Daud, Adíku! Akuoi in diá bidon bui mogaid kon inta moraat kon inimu sin inogoimudon in akuoi nobiagpa in kogobíi. Dodiaku tua in nopompuḷongdon totok. Akuoi in totu-totuudon kon ain notoboḻingo!”