TAWARIKH 1 21:7 - Alkitab Singog In Mongondow Masa In Tanaa

⁷ Kinodoíbí i Allah in pinogiapan tatua bo ihukum-Nea in intau in Israel.

TAWARIKH 1 21:7 ပူးပေါင်းရင်းမြစ်များ

SAMUEL 2 11:27

Onda intua naonda in nopaḷutdon in pinonogumatoian tatua, binayá pinoki gamá i Daud in bobay tatua bo dinia mangoi in komaḻig bo binaḻídon i Daud ki buḷoinea in sia. Tongonumai nobuḷan noiduduimai, nopononggadí in sia in adí ḷoḷaki tobatú. Táe kinodoíbí i Tuhan in aid i Daud tatua.

SAMUEL 2 15:26

Táe aka doídon in ki Tuhan kon inakó, dá taaudon kon i-Nia onu in popoaid-Nea kon inakó!”

SAMUEL 2 21:1

Kon tungkuḷ in ki Daud nomarenta, nobaḻídon in malarat moḷoben inta nobaḻí kon bonu in toḷu notaong nouput. Bo nopoigum in ki Daud in topotundú kon i Tuhan soaḷ tatua, bo ki Tuhan in noguman, “Malarat tatua in popisíbí in taḷá i Saul bo motoḷuadínea, mosia in noḻimodon kon intau mita in Gibeon.”

SAMUEL 2 21:14

Onda intua tuḷan mita i Saul bo i Yonatan takin tuḷan mita i nayapitu tatua in iḷobong kon bonu in pinoḷobongan kon i Kish ki amá i Saul kon Zela kon butá in Benyamin. Naonda in bayongan tua inaidan podudui in parenta i datu, ki Allah in nokidongog bo notubagdon kon sambayang monia kon kopontingan in butá tatua.

SAMUEL 2 24:1

Ki Tuhan in sinumorú bui kon Israel, bo ki Daud in dinondouḷugan-Nea sin makusud mopoangoi in roriga kon bangusa tatua. Guman i Tuhan kon inia, “Iapdon in intau kon Israel bo Yohuda.”

SAMUEL 2 24:10

Táe naonda in ki Daud nopaḷut nokiiap in bangusa tatua, irainea kon noitaḷádon in sia, bo sia noguman kon i Tuhan, “Oo Tuhan, binaradosadon totok in akuoi! Apungaidon in akuoi, sin aidku tatua in totokdon in nobodok.”

DATU MITA IMITÁNEA 15:5

Tua inaidan i Tuhan sin ki Daud in noposanangdon in gina-Nea. Ki Daud in diábí kon dodai onda in nonaḷámai kon parenta mita i Tuhan, koḻikudbí in soaḷ pelekara kon i Uria intau in Het tatua.

TAWARIKH 1 21:14

Dá pinoangoidon i Tuhan in yampoi takit kon intau in Israel dá 70.000 in intau kon sigad monia tua in minatoi.

TAWARIKH 1 21:6

Táe suku in Lewi bo suku in Benyamin in diábí pinoyoiap kon tua. Ki Yoab in diábí nogiap kon i monia sin doí in sia mopobayá in parenta i datu tua.

TAWARIKH 1 21:8

Bo nosambayangdon in ki Daud kon i Allah kainia, “Oo Allah, akuoi naa in totokdon in binaradosa, ampungaipa kaasí in akuoi naa sin aidku tatua in nopompuḷongdon totok.”

YOSUA 7:1

Ki Tuhan ain nomarenta kon umat in Israel kon nongkon bayongan onu inta kon kotá in Yerikho inta musti payongon, tobatúmai yo diábí in motaau gamáan. Táe parenta tatua diábí dinuduian. Ḷoḷaki tobatú inta ki Akhan in tangoinea iḻimimpatdon kon parenta tatua, dá ki Tuhan in sinumorúdon totok kon umat in Israel. (Ki amá i Akhan naa tangoinea in ki Karmi bo ki akinea in ki Zabdi nongkon inanakan i Zerah kon bonu in suku i Yohuda.)

YOSUA 7:13

Pobangondon in tanaa, Yosua! Potusidon in umat in Israel bo potabádon in mosia mosadia tumayow kon i-Nakó. Parentaaidon in mosia mosadia in ikoḷom, sin Akuoi ki Tuhan Allah in Israel in mopotaau in naa kon i monia: ‘Ei intau mita in Israel! Barang mita inta ain pinoki payong-Ku kon i monimu, oyúonpa in kon i monimu. Aka diápa ḷumbúon monimu in barang mita tatua, yo diábí in moiko mokotongkod kon musung!’

YOSUA 7:5

Intau mita in Ai nondudur kon i monia nongkon ngara in kotá in Ai nodapot kon butá pongongaḻian kon buḷawan, bo noḻimod kon degá toḷu nopuḷú bo onom in intau kon sigad monia kon oyukmai in buḷud. Dá intau mita in Israel inangoiandon in ḻia-ḻiaw in gina bo ondok.