TAWARIKH 1 21:5 - Alkitab Singog In Mongondow Masa In Tanaa

⁵ bo nopotaau kon i Datu Daud in kobayong in intau inta iniap tatua. Kobayong in ḷoḷaki inta motaaudon baḻíon tontara kobayongnea in 1.100.000 kon Israel bo 470.000 in kon Yohuda.

TAWARIKH 1 21:5 ပူးပေါင်းရင်းမြစ်များ

SAMUEL 2 24:9

bo nopotaau kon i datu in kobayong in intau inta iniap tua. Kobayong in ḷoḷaki inta motaaudon mobaḻí tontara in 800.000 in intau in Israel bo 500.000 in intau kon Yohuda.

TAWARIKH 1 21:4

Táe ki datu in umuranbí kumadai kon parentanea tatua, dá minayádon in ki Yoab kon bayongan in Israel, noidapot kon ḻipú mita inta noako, bodongka nobui kon Yerusalem,

TAWARIKH 1 27:23

Ki Datu Daud in diá bidon nogiap kon intau mita inta umur kon ḻimonag in doyowa nopuḷú notaong, sin ki Tuhan in nodandidon kon mopobaḻí kon intau in Israel ná kobayong in tundi kon ḷangit.

TAWARIKH 1 27:24

Ki Yoab ki adí i Zeruya in nomangkoidon nogiap, táe diá kinoḷapatnea, sin ki Allah in nohukum kon intau in Israel popisí in pinogiapan tatua. Manangka intua kobayong monia in diádon kinopaisan kon bonu in buk i Datu Daud.