TAWARIKH 1 21:22 - Alkitab Singog In Mongondow Masa In Tanaa

²² Guman i Daud kon inia, “Moibog in akuoi moposindog in mezbah kon tampat tanaa sin posumbaan kon i Tuhan, sinbá yampoi tanaa in mogogaidon. Tuamai in potaḷuidon in butá tanaa kon inakó. Pogumandon mongo tongonu in boḻinea, uboḻiankudon.”

TAWARIKH 1 21:22 ပူးပေါင်းရင်းမြစ်များ

KINOBAḺIAN 23:9

sinbá ogoineadon taḷuionku in Angob in Makhpela inta noiukat kon bingkí in gobánea. Poigumdon bá potaḷuineadon tua kon inakó kon naa takin koonto-ontong i Utat mita. Boḻinea daitonkubí ogoi kotompodon, sinbá butá tatua in mobaḻídon kapunyaanku.”

KINOBAḺIAN 50:10

Naonda in mosia nodapot kon tampat pobobantingan in intau kon gandum kon Goren-Haatad, kon dotá in pomukaan kon Ongkag in Yordan, mosia in nongombaḷ takin kuyang in gina bo takin doman ombaḷ moropot. Ki Yusup nomia kon pinonusaan, pitu nosinggai in koongotnea.

SAMUEL 2 24:21

bo noḻibó, “Onu in makusud inangoian i Tuang datu?” Tubag i Daud, “Motaḷui kon tampat poḷoḻintogan kon gandum tanaa, moibog in akuoi moposindog in mezbah kon i Tuhan kon naa, sinbá yampoi tanaa in mogogaidon.”

DATU MITA IMITÁNEA 21:2

Kon singgai tobatú ki Ahab in noguman kon i Nabot, “Ogoidon kon inakó in gobá in anggurmu tatua, sin gobámu tatua in nodiug kon komaḻigku. Moibog in akuoi momuḷa kon kuyat mita kon tua. Bain toḻiuanku in gobá in anggur inta mopia-pia nongkon tua, andeka aka moibog in iko, yo taḷuionkudon podudui kon boḻinea inta mopia.”

TAWARIKH 1 21:21

Naonda in inontong i Arauna kon ki Datu Daud namangoi, namangoi in sia nokipodungkuḷ kon i Daud bo sinumungkud kon tayowonnea.

TAWARIKH 1 21:23

“A, gamádon mako, Tuang Datu,” tubag i Arauna, “bo aidaidon in bayongan in onu inta mopia ontongon i Tuang Datu. Naa in sapi mita baḻíon kuruban payongon, bo aka kayu inta pondungú yo motaaubí pakéon i Tuang in dopí mita inta pororipúan tanaa. Pogamá domandon kon gandum sin baḻíon sosumba. Tongábí ogoiku intua komintan, dikabí uboḻian i Tuang intua.”

PINOGIAPAN 16:48

Yampoi tatua nogogai, bo ki Harun kon yua-yuak in intau mita inta nobiagpa bo inta ain minatoi.

PINOGIAPAN 25:8

bo inaḷowannea in ḷoḷaki bo bobay tatua kon bonu in ḷoḷaigan. Sinakuḷnea in taya dua tua dá nogogaidon in bodito inta noiantug kon Israel dodai intua.