TAWARIKH 1 21:14 - Alkitab Singog In Mongondow Masa In Tanaa

¹⁴ Dá pinoangoidon i Tuhan in yampoi takit kon intau in Israel dá 70.000 in intau kon sigad monia tua in minatoi.

TAWARIKH 1 21:14 ပူးပေါင်းရင်းမြစ်များ

SAMUEL 2 24:15

Dá ki Tuhan in nopoangoidon in takit kon intau in Israel nongkon doḷo-doḷom nodapot kon wakutu inta ain sinantú-Nea. Kon bayongan in Israel in 70.000 in intau minatoi.

DATU MITA 2 19:35

Doḷom doman tua malaekat i Tuhan in namangoi kon pinononḷoḷaigan in intau in Asyur, bo noḻimod kon 185.000 in tontara. Nobangon monik doḷo-doḷom mayat mita monia tatua in noiyayitdon magí mako.

TAWARIKH 1 27:24

Ki Yoab ki adí i Zeruya in nomangkoidon nogiap, táe diá kinoḷapatnea, sin ki Allah in nohukum kon intau in Israel popisí in pinogiapan tatua. Manangka intua kobayong monia in diádon kinopaisan kon bonu in buk i Datu Daud.

IḶUAIAN 12:30

Doḷom tua ki datu, intau mita inta nokadai kon kawasa bo bayongan intau in Mesir noibangon. Kon bayongan butá in Mesir kinodongogandon in ombaḷ bo amui inta totok in modowawá sin diá tobatúmai in baḷoi in diá kinopatoian adí ḷoḷaki tobatú.

PINOGIAPAN 25:9

Táe dodai intua ain 24.000 in intau minatoi.

SAMUEL 1 6:19

Táe popisí in intau mita in Bet-Semes tatua iḷumongow kon bonu in Poti Dodandian i Tuhan, dá pitu nopuḷú in intau kon sigad monia tua in iḻimod i Tuhan. Bo rayat nonogumatoi sin ki Tuhan nopouma in bodito inta námai tua in koḷoben.