TAWARIKH 1 21:13 - Alkitab Singog In Mongondow Masa In Tanaa

¹³ Ki Daud in notubag, “Kaasí ah, moboditodon in akuoi! Táe dika in hukumon in intau maníka ki Tuhan in mohukum kon inakó sin moḷoben in totabí-Nea.”

TAWARIKH 1 21:13 ပူးပေါင်းရင်းမြစ်များ

DATU MITA 2 6:15

Nopoikoḷomai kon singgai, doḷo-doḷom totok naonda in bobantung i Elisa nobangon bo iḻumuai, inontongnea in tontara in Siria nongopung kon kotá tatua notouḷut doman in kabaḷo bo kereta in parang monia. Dá, nobui minayá in sia kon i Elisa bo noguman, “Mobodito in kita, Tuang! Onu in aidan naton?”

DATU MITA 2 7:4

Aka tumuot in kita kon kotá, yo matoi in kita in gogoy; bo aka umuran doman kon naa in kita, yo matoibí doman. Maníka bo mayádon in kita kon pinononḷoḷaigan in intau in Siria. Paling-paling ḻimodonbí monia in kita. Táe kamungkinan doman diábí onuon monia in kita.”

TAWARIKH 2 28:9

Nabi i Tuhan tobatú inta ki Oded in tangoinea nogutun kon kotá in Samaria. Kon tungkuḷ in tontara in Israel nobui bo nodia kon intau mita inta dinakop nongkon Yohuda, ki Oded minayá nokipodungkuḷ kon i monia kon dodai in mosia tumuotdon kon kotá. Sia in noguman, “Moiko in nonaḷowdon kon intau in Yohuda sin ki Tuhan in mogoguyangmu in sinumorúdon kon i monia. Táe ki Tuhan in nokodongogdon kon naonda in kororomú monimu in noḻimod kon tontara in Yohuda.

ESTER 4:11

“Komintan intau, pinomayá ḷoḷaki andeka bobay, inta aka diá inoiní, bo mamangoi kon tayowon i datu kon palas kon bonu in komaḻig, in mustibí hukumon matoi. Tua in nobaḻí undang-undang bo bayongan in intau pinangkoi kon monononggina i datu nodapot kon rayat kon bayongan in propinsi, nonotaaubí kon tua. Tongábí tobatú in daḷan sinbá moisimparut nongkon undang-undang tatua, tuata in aka ki datu mopotundú in tungkudnea buḷawan kon intau tatua. Aka tua bo mobaḻí, yo mosaḷamat in sia. Táe ain tobuḷan naa diá in akuoi inoiní i datu.”

ESTER 4:16

“Sipundon in bayongan intau in Yahudi inta kon Susan bo sambayangai in akuoi. Dika mongaan bo monginum in toḷu nosinggai bo toḷu nogobii in koonggotnea. Akuoi tontaní bo mongodeaga mita inta nobantung kon inakó in mopuasabí doman. Mopaḷut mako kon tua akuoi in mayá kon tayowon i datu, umpakabí ḻimimpat tua kon undang-undang. Aka akuoi bo musti matoi popisí intua, dá biódon mako in akuoi matoi!”

MAZMUR 103:8

Sin ki Tuhan in motabi bo mopia in gina Sia in mosabar bo tabi-Nea in moiḻiu ḷoben.

MAZMUR 106:7

Kon tungkuḷ in kon Mesir mogoguyang nami diá nomangaḻe; mia-Mu inta mokotongaw diábí kinomangaḻean monia. Kinoḻiongan monia in tabi-Mu inta moḷoben totok, bo kon diug in Dagat in Gelagah mosia in nomarontak kon i Inta Totok in Moḷantud.

MAZMUR 119:156

Totuu moḷoben in totabi-Mu, o Tuhan, posaḷamatpa in akuoi podudui in kooadil-Mu.

MAZMUR 130:4

Táe Iko in moibog mongampung, sinbá intau in mobaḻí motoguondok.

MAZMUR 130:7

Pongamangdon kon i Tuhan, ei umat-Nea, sin Sia in umuranbí motabi, bo umuranbí nosadia moposaḷamat.

MAZMUR 5:7

Yopúon-Mu in intau mita inta moibog monguboḷ. Mopopak bo moḷoḻimod mobú in Iko in mokoontong.

MAZMUR 69:13

Akuoi in tantú oumanon magí-mako monia kon poyosipunanmai in intau, bo dondong in intau mita nongoḷoḷangu in akuoibí.

MAZMUR 69:16

Dikabí pomayá mako in akuoi in moḷomot kon bokoḷ inta noponik, bo moitaḷom kon apad in dagat andeka ḷobongon kon bonu in bubú.

MAZMUR 86:15

Táe Iko, o Tuhan, ki Allah inta motabi bo mopia in gina, mosabar, nopuḻing in tabi bo mosatia.

MAZMUR 86:5

Iko in mopia, o Tuhan, bo moibog mongampung, intau inta mosambayang kon ini-Mu umuranbí kotabi-Mu takin tabi inta moiḻiu.

AMSAL 12:10

Intau mopia in umuran monaridi kon bobiagonnea; táe intau moraat in mopogutúbí.

YESAYA 46:7

Patong tatua in pinakú bo inukat kon tampatnea, patong tatua in simindog mako kon tua bo diá mokopomamping. Aka intau mosambayang kon inia, diábí tubagannea, bo diábí mokoposaḷamat kon inia nongkon roriganea.

YESAYA 47:6

Koḻipod in Akuoi in sinumorú kon umat-Ku, mosia in inanggap-Kudon deeman Akuoi in kitogi. Mosia in inogoi-Kudon kon inimu, bo iko in diábí notabi kon i monia, nodapot inta nongogoguyangdon totok in dinorotmu takin diá in tabi.

YESAYA 55:7

Igumon mako intau inta moraat in monompiadon kon kobobiagnea, bo momaḷui kon pororainea. Biódon mako in sia in mobui mangoi kon i Tuhan, sinbá mokouḻí kon totabi-Nea. Igumon mako sinbá sia in mamangoi bui kon i Allah naton, sin ki Tuhan in mongampung takin pia in gina.

YESAYA 63:15

O Tuhan, indoiaidon nongkon soroga, nongkon tampat-Mu inta motusi bo momulia. Kon onda in tabi bo kotorindog-Mu? Kon onda degá in gina-Mu inta kinoaputan in totabi-Mu? Dikadon tahangon-Mu in gina-Mu kon inami.

YESAYA 63:7

Akuoi in mopohabar in tabi i Tuhan bo modayow kon i-Nia sin bayongan in aid-Nea. Binarakatan-Nea totok in umat-Nea, sin Sia in nonotabi bo tabi-Nea in diábí moobo-obot.

OMBAḶ 3:32

Mopaḷut mako in Sia mobogoi in roriga Sia in monotabibí doman, sin Sia in umuranbí motabi kon i naton pongin tabi inta diábí in sigadnea.

YUNUS 3:9

Degá bo baḷuianbí i Allah in niat-Nea bo diádon tumorú dá kita in diádon moyopú!”

YUNUS 4:2

Bo nosambayang in sia. “O Tuhan, aindon pinogumanku muna kon dodai in diápa nobuat nongkon baḷoiku koḻipod, kon notantúbí kon aidan-Mu in nanaa! Tuamai in akuoi bayá-bayádon noḷagui minayá in Spanyol! Kinotaauanku kon Iko in ki Allah inta totok in kototabi bo motanob, mosabar, moḷukó in dodia, bo umuranbí mosadia momaḷui kon tomayá mohukum.

MIKHA 7:18

Diábí in Allah ná Iko, o Tuhan, inta mongampung kon dosa in umat inta piniḻí-Mu inta ki agatneapa. Diábí modapot in mononoi tumorú in Iko; táe, mopiabí in gina-Mu in moponiata in tabi-Mu inta diá in obotnea tatua.

HABAKUK 3:2

O Tuhan, dinongogkudon onu inta inaidan-Mu, dá moodom in korasaanku kon gina. Igumon mako aid moḷoben tatua in bui aidan-Mu bo poniata-Mu kon kinobiagan nami naa. Igumon mako kotabi-Mu in kami umpakabí mopatú in gina-Mu.

YOHANES 12:27

“Moḻia-ḻiaw totok in gina-Ku; onu degá in musti singogon-Ku in tanaa? Musti degá in Akuoi moguman, ‘Amá, potaḻibdon kon i-Nakó in roriga tanaa mako’? Diá! Sin tuabí in mangaḻe in inangoian-Ku.

PILIPI 1:23

Doyowa norupa naa in morigugut kon bonu in ginaku. Moibogdon in akuoi monaḷámai kon dunia naa bo mayá mogutun takin i Kristus, sin tuabí inta totok in mopia;

IBRANI 10:31

Totokdon mokoondok aka kon bonudon in kawasa i Allah inta nobiag!