TAWARIKH 1 20:4 - Alkitab Singog In Mongondow Masa In Tanaa

⁴ Degá tongonumai nosinggai nongkon tua nobaḻídon bui in parang nonayow kon intau in Pilistin kon Gezer. Kon pinoparangan tobatú tatua ki Sibkhai intau in Husa noḻimod kon intau tuyá tobatú tangoinea in ki Sipai. Dá intau in Pilistin in sinaḷowdon.

TAWARIKH 1 20:4 ပူးပေါင်းရင်းမြစ်များ

KINOBAḺIAN 14:5

Kon bonu in taong impuḷú boopat, ki Kedorlaomer bo topotakinnea mita namangoi takin tontara monia bo nonaḷow kon intau in Repaim kon Asyterot-Karnaim, intau in Zuzim kon Ham, intau in Emim kon Syawe-Kiryataim,

SAMUEL 2 21:15

Bui nobaḻí in parang kon sigad in intau in Israel bo intau in Pilistin. Ki Daud bo intaunea in minayá noparang nonayow kon intau in Pilistin. Kon pinoparangan tatua ki Daud inangoian in ḷopí.

SAMUEL 2 21:16

Namangoidon in intau tuyá tobatú inta ki Yisbi-Benob in tangoinea. Pandongnea in pinomia nongkon bitú, kobogatnea in degá toḷu bo tobotak in kilo. Sia in nopogabit doman in kedang mobagu, bo noyakinbí in sia kon mokoḻimodbí kon i Daud.

TAWARIKH 1 14:16

Ki Daud in nogaid kon onu inta pinarenta i Allah kon inia. Sia takin tontaranea mita in nomout noidapot in inumundok in tontara in Pilistin pinangkoi kon Gibeon nodapot in Gezer.

YOSUA 16:3

Nongkon tua botok tatua pinobayá ná Toyopan kon butá in inanakan i Yaplet, nodapot kon Bet-Horon-Hilir, minayá nodapot kon Gezer, bo nopaḷuput kon Dagat Toyuak.