TAWARIKH 1 2:6 - Alkitab Singog In Mongondow Masa In Tanaa

⁶ Ki Zerah in kogadí kon adí ḷoḷaki taya ḻima: ki Zimri, ki Etan, ki Heman, ki Kalkol, bo ki Dara.

TAWARIKH 1 2:6 ပူးပေါင်းရင်းမြစ်များ

DATU MITA IMITÁNEA 4:31

Sia in totu-totuubí kon totok in mopandoi noiḻiu kon bayongan in intau. Sia in noiḻiubí kon i Etan intau in Ezrahi, ki Heman, ki Kalkol bo ki Darda adí mita i Mahol. Tangoi i Salomo ponangoi-nangoiandon totok kon ondakabí kon butá mita kon diugmai in dodatuan nea.

DATU MITA IMITÁNEA 5:11

Bo ki Salomo in nobogoidon in kokaanon kon intau mita inta kon komaḻig i Hiram tua. Muḷoi in taong ogoi i Salomo kon i Hiram in 322.500 nokilo in gandum bo 4.400 noliter in ḷana zaitun taakan.

TAWARIKH 1 2:5

Ki Peres in kogadí kon adí ḷoḷaki doyowa, ki Hezron bo ki Hamul.

TAWARIKH 1 2:7

Ki Akhan adí i Karmi buí i Zerah, nokopoangoi kon bodito kon umat in Israel popisí in nogamá kon pakakat inta inagow kon parang inta ain sinantú ogoi kon i Allah.

MAZMUR 88:1

Dondong. Mazmur in inanakan i Korah. Kon i itoi in mododondong. Podudui in dondong: Mahalat Leanot. Dondong topotundú i Heman, intau in Ezrahi.

YOSUA 7:1

Ki Tuhan ain nomarenta kon umat in Israel kon nongkon bayongan onu inta kon kotá in Yerikho inta musti payongon, tobatúmai yo diábí in motaau gamáan. Táe parenta tatua diábí dinuduian. Ḷoḷaki tobatú inta ki Akhan in tangoinea iḻimimpatdon kon parenta tatua, dá ki Tuhan in sinumorúdon totok kon umat in Israel. (Ki amá i Akhan naa tangoinea in ki Karmi bo ki akinea in ki Zabdi nongkon inanakan i Zerah kon bonu in suku i Yohuda.)