TAWARIKH 1 2:16 - Alkitab Singog In Mongondow Masa In Tanaa

¹⁶ Ki Isai in kogadí doman kon adí bobay taya dua: ki Zeruya bo ki Abigail. Ki Zeruya in kogadí kon adí ḷoḷaki taya toḷu: ki Abisai, ki Yoab bo ki Asael.

TAWARIKH 1 2:16 ပူးပေါင်းရင်းမြစ်များ

SAMUEL 2 14:1

Kinotaauan i Yoab kon mokotanobdon totok in ki Datu Daud kon i Absalom,

SAMUEL 2 17:25

Ki Absalom ain noduí kon i Amasa nobaḻí tongguḷu in tontara nonoḻiu kon i Yoab. Ki Amasa adí i Yitra intau in Ismael; ki inánea tangoinea in ki Abigail adí i Nahas, inta ki utat bobay i Zeruya ki iná i Yoab.)

SAMUEL 2 19:22

Táe ki Daud in noguman kon i Abisai bo kon i Yoab ki guya-guyangnea, “Dika kumapog. Nongonu sin moiko in moposusabímai kon inakó? Kon singgai in naa akuoi in buidon nobaḻí datu kon Israel, bo diá bidon motaau in moḻimod kon intau in Israel.”

SAMUEL 2 2:13

Ki Yoab (inta ki Zeruya in tangoi i inánea) in noyotakin doman in intau i Daud nopobayá doman in kotá tatua. Doyowa nopaanan in noyodungkuḷ kon tabang Gibeon; Ki Abner bo intaunea mita in iḻimitú kon ḷoḷan magí, ki Yoab takin intaunea mita in kon ḷoḷan mako.

SAMUEL 2 3:39

Umpakabí akuoi naa in datu moḷoben inta piniḻí i Allah, táe korasaanku in tanaa kon moyangkóbí. Ki adí mita i Zeruya tua in moiḻiudon in romú. Diá in akuoi mokotongod in mongawasa kon i monia. Igumon mako ki Tuhan in mohukum kon intau mita moraat tatua, podudui kon oaid monia!”

TAWARIKH 1 11:20

Toḷu nopuḷú in porwira inta ponango-nangoian tatua sinangoian doman “Tridasawira.” Mosia in sinongganutan i Abisai ai-ai i Yoab. Nokoimontandon in sia nokoḻimod kon 300 in intau tongá nomaké in pandongnea, tuamai in nobaḻídon ponango-nangoian in sia. Táe sia in diábí ná kotoyang in Triwira tatua.

TAWARIKH 1 2:15

ki Ozem, ki Daud.

TAWARIKH 1 2:17

Ki Abigail in pinobuḷoi i Yeter buí i Ismael. Mosia in kogadí kon adí ḷoḷaki tobatú tangoinea in ki Amasa.

SAMUEL 1 26:6

Onda intua ki Daud noḻibó kon i Ahimelek intau in Het tatua, bo kon i Abisai utat i Yoab (ki iná monia in ki Zeruya), “Ki ine in mokobaḻí tumuot takinku kon bonu in ḷoḷaigan i Saul?” Ki Abisai notubag, “Akuoi!”