TAWARIKH 1 2:1 - Alkitab Singog In Mongondow Masa In Tanaa

¹ Adí ḷoḷaki i Yakub in mopuḷú bo doyowa: ki Ruben, ki Simeon, ki Lewi, ki Yohuda, ki Isakhar, ki Zebulon,

TAWARIKH 1 2:1 ပူးပေါင်းရင်းမြစ်များ

KINOBAḺIAN 32:28

Intau tatua in noguman, “Tangoimu in deeman bidon ki Yakub. Iko noridomokdon takin i Allah bo takin intau, bo iko in nokountung; tuamai tangoimu in ki Israel bidon.”

KINOBAḺIAN 35:18

Táe ki Rahel diádon moonggot in matoi, bo naonda in sia mopobuitdon in tompot pangabisannea, sinangoiannea in adí tatua Ben-Oni táe ki amánea nonangoi kon inia ki Benyamin.

KINOBAḺIAN 49:2

Poyosipundon uḻe in moiko, ei adí mita i Yakub Indongogaidon in ki Israel, ki amá monimu.

TAWARIKH 1 1:54

Magdiel bo Iram, kon batúannea pinodudui kon tangoi in tongguḷu in sukunea.

TAWARIKH 1 2:2

ki Dan, ki Yusup, ki Benyamin, ki Naptali, ki Gad, ki Asyer.

TAWARIKH 1 5:1

Ki Ruben naa in adí guya-guyang i Yakub. Táe popisí in ki Ruben naa in ain nopoonagmai kon kahoromatan in pahang tobatú i amánea, dá haknea saḷaku adí guya-guyang in ginamádon nongkon inia bo inogoi kon i Yusup. Umpaka natua táe inta totok in moropot kon sigad in buí Yakub in deemanbí suku i Yusup táe sukubí i Yohuda. Nodapot inta muna-munamai totok nobaḻí datu kon bayongan umat in Israel in nongkon sukubí i Yohuda tua.