TAWARIKH 1 19:9 - Alkitab Singog In Mongondow Masa In Tanaa

⁹ Intau in Amon iḻumuai bo nonompia kon pipidan monia kon tayowon in bonawang in Raba, ibukotá monia, bo datu mita inta ain namangoi sin motuḷung kon i monia, nonompiadon kon pipidan monia kon rawang.

TAWARIKH 1 19:9 ပူးပေါင်းရင်းမြစ်များ

SAMUEL 2 10:8

Intau in Amon iḻumuai nomia kon pipidan monia kon tayowon in ngara moḷoben in Raba ibukotá monia, yo intau in Siria, intau in Tob bo Maakha nomia kon pipidan monia kon tampat monia tontaní.

SAMUEL 2 18:4

Bo ki datu in noguman, “Mopia, taaudon kon inimu.” Onda intua sinimindog in sia kon diug in ngara in kotá, bo tontara mita in nopipid iḻumuai kon bonu in paanan-paanannea inta sinilai tumongoribu bo tumogogatut in intau.

DATU MITA IMITÁNEA 20:1

Kon singgai tobatú ki Benhadad, datu in Siria, nosipun kon bayongan in tontaranea, bo noyotakin in 32 in datu mita ibanea takin kereta in parang, bo kabaḷo monia, nongopung bo nonubu in sia kon kotá in Samaria.

DATU MITA IMITÁNEA 20:24

Maníka in tanaa ki Tuang datu in momaḷuidon kon datu inta toḷu nopuḷú bodoyowá tatua takin porwira mita i Tuang datu tontaní.

TAWARIKH 1 19:10

Inontong i Yoab kon kinogupitan in sia in tontara mita in musung inta nongkon tayowonmai bo kon tumimai. Dá tuamai nomiḻí in sia kon tontara in Israel inta totok in mopia bo sinampatnea in mosia pinoyogintayow in tontara in Siria.

TAWARIKH 1 19:8

Naonda in kinodongogan i Daud intua nopotabá in sia kon i Yoab takin bayongan in tontaranea minayá noparang nonayow kon musung.

TAWARIKH 2 13:3

Ki Abia in nopotabádon in tontaranea 400.000, bo ki Yerobeam in nopotabádon in tontaranea 800.000.

TAWARIKH 2 14:10

Dá iḷumuaidon in ki Asa nonayow kon i Zerah, bo taya dua in tumpaḷadon nonompia kon pipidannea-pipidannea kon Ḷopá in Zepata kon diug in Maresa.

YESAYA 28:6

Ki Tuhan in mobogoibí in aid moadil kon hakim mita, bo barani kon intau mita inta pinoki ḷukadan in kotá bá diá tubuon.

YEREMIA 50:42

Mosia in nodia kon piot bo pandong; mosia in morongut bo diábí kotaauan monia in ampung. Nádon gonugur in bokoḷ kon dagat natuata in singog in sioḷ in kabaḷo monia inta moribatuk sin mamangoi monubu kon Babel.

YOËL 2:5

Mosia in ḷumandu-ḷanduk kon tudu in buḷud, singognea in naonda bo koḷangká mako in kereta in parang bo naonda bo rosik in tuḷú inta nokaan kon wawa;. Mosia in nopipid naonda bo tontara inta motorindog, inta nosadiadon mayá moparang

SAMUEL 1 17:2

Ki Saul bo intau mita in Israel noyosipun doman bo noposindog in ḷoḷaigan kon Ḷopá in Ela; mosia in nobasadia sin monayow kon intau in Pilistin.