TAWARIKH 1 19:6 - Alkitab Singog In Mongondow Masa In Tanaa

^6-7 Bo ki Datu Hanun bo intau in Amon nonotaaudon kon aid monia tua in nokopopisídon kon i Daud nosaturu kon i monia. Tuamai in nokidiadon in mosia kon 34.000 nokilo in saḷaka kon butá in Mesopotamia Ḻimonik, bo kon Maakha bo Zoba kon Siria sin monondan kon 32.000 in kereta in parang bo tontara inta tumakoi kon kabaḷo. Dá namangoidon in tontara i Datu Maakha takin bayongan in kereta in parang inta sinondanan tatua bo nononḷoḷaigan kon diug in Medeba. Intau in Amon in namangoi domandon nongkon bayongan in kotá monia sin moparang.

TAWARIKH 1 19:6 ပူးပေါင်းရင်းမြစ်များ

KINOBAḺIAN 34:30

Ki Yakub noguman kon i Simeon bo kon i Lewi, “Moiko mokopororigamaidon kon inakó. Tanaa intau in Kanaan bo intau in Peris bo bayongan intau kon butá kon naa moyaatdon in gina monia kon inakó. Intau mita naton tongábí topiḻik; aka komintan intau kon naa motobatú komintan moḷawang bo monubu kon inakó, yo bayongan buḷoi, adí bo ginaḷum naton modaitbí moyopú.”

SAMUEL 2 10:6

Onda intua intau in Amon nosadardon kon aid monia tua in nokopomukádon kon saturu i Daud kon i monia. Tuamai in nonondan in mosia kon 20.000 in tontara in Siria inta nogutun kon Bet-Rehob bo Zoba, bo 12.000 in tontara nongkon Tob, takin datu in butá in Maakha bo intaunea 1.000.

SAMUEL 2 8:3

Noiduduimai kon tua nonaḷow in ki Daud kon i Datu Hadadezer adí i Rehob inta nomarenta kon Zoba, dodatuan tobatú inta kon diug in Damsyik. Kon tungkuḷ intua ki Hadadezer kon bonu in binayáan sin mopoguḻit bui in kawasa nea kon butá inta kon diug in uḷuan in Ongkag in Eprat.

TAWARIKH 1 18:5

Intau in Siria nongkon Damsyik nopotabá in tontara sin mobantung kon i Datu Hadadezer, táe sinaḷow i Daud in mosia bo noyompat kon 22.000 in intau.

TAWARIKH 1 18:9

Ki Datu Tou nongkon Hamat in nokodongogdon kon ki Daud in ain nonaḷow kon bayongan in tontara i Hadadezer.

TAWARIKH 1 19:5

Táe mooyá in mosia in mobui, dá minayá in mosia kon Yerikho. Naonda in pinotaau kon i Daud intua, nokidia in sia in koyow sinbá totabá mita tatua mogutunpa kon Yerikho moidapot in mobiagdon bui in tampeng monia.

TAWARIKH 2 18:3

Sia in noḻibó, “Moibog degá in iko mayá moyotakinku monubu kon Ramot?” Ki Yosapat in notubag, “Mopia, tontaraku in dumugangdon kon tontaramu. Moparang moyotakin in kita.

TAWARIKH 2 18:5

Dá ki Ahab in nosipun kon degá 400 in nabi bodongka noḻibó kon i monia, “Motaau degá in akuoi mayá monubu kon Ramot andeka diá?” “Motaau!” tubag monia. “Posarakanbí i Allah in kotá tatua kon i Tuang datu.”

TAWARIKH 2 18:9

Kon dodai intua ki Ahab bo ki Yosapat, takin nogiḷambung in ḷambung datu, iḻimitú kon kadera in dodatuan kon tampat poḷoḻintogan kon gandum kon muna in bonawang in Samaria, bo nabi mita in namangoi bo nopotaau in toḻindap monia.

TAWARIKH 2 25:6

Koḻikud intua sia in nonondan kon 100.000 in tontara nongkon Israel takin tondan degá 3.400 nokilo in saḷaka.

TAWARIKH 2 27:5

Sia in nomarang bo nonaḷow kon i datu in Amon takin tontaranea, bo nomakisa kon in intau in Amon moguboḻi kon iba. Pomuḷoi in taong, toḷu notaong noyodudui in koonggotnea mosia in mustibí mopoguboḻi in 3.400 nokilo in saḷaka, doyowa norupa in gandum, tumongoribu noton.

MAZMUR 14:3

Táe bayongan in intau ain sinumabat bo moraat, diádon tobatúmai in intau in nogaid kon inta mopia.

MAZMUR 46:9

Igai, indoiaika mongo onu in pinomia i Tuhan, totuu mokoherang in oaidan-Nea kon dunia!

IḶUAIAN 5:21

Dá mandor mita tatua in noguman, “Kinotaauanbí i Tuhan in oaidmu nion! Hukumondon i Tuhan in moiko! Popisídon in moiko dá kami in kinodoídon i datu bo pogawainea, dapot in mosia moḻimodon kon inami.”

LUKAS 10:16

Bo ki Yesus in noguman kon murí-Nea mita, “Ki ine in moibog mokidongog kon i monimu, yo mosia tua i mokidongog doman kon i-Nakó. Táe ki ine in doí motarima kon i monimu, yo sia in doí doman motarima kon i-Nakó. Bo ki ine in doí motarima kon i-Nakó, yo sia in doí doman motarima kon i-Nia inta nopotabá kon i-Nakó.”

TESALONIKA 1 4:8

Tuamai ki ine in doí motarima kon singogku, yo deemanbí intau in bayowannea, táe ki Allahbí inta ain nobogoi in Roho-Nea mokudus kon i monimu in bayowannea.

SAMUEL 1 13:4

Pinotaaudon kon bayongan in bangusa in Israel kon ki Saul ain noḻimod kon itoi in tontara in Pilistin tatua bo intau in Pilistin totokdon in moyaat in gina kon intau in Israel. Tuamai rayat in dinumuduidon kon tongganut kon moyotakindon i Saul kon Gilgal.

SAMUEL 1 14:47

Naonda in ki Saul nobaḻí datu in Israel, sia in noparang kon bayongan tampat noḷawang kon bayongan musung in Israel, tuata in intau in Moab, intau in Amon, bo intau in Edom, datu mita in butá in Zoba, bo intau in Pilistin. Kon ondaka in poparangannea, umuran in sia mokountung.

SAMUEL 1 27:12

Táe ki Akhis in nopirisayabí kon i Daud bo norai kon bonu in ginanea, “Sia tua in totokbí in kinodoí in bangusanea tontaní, dá pakisadon in sia nobaḻí bobantungku kinoouputbí in kinobiagannea.”