TAWARIKH 1 19:5 - Alkitab Singog In Mongondow Masa In Tanaa

⁵ Táe mooyá in mosia in mobui, dá minayá in mosia kon Yerikho. Naonda in pinotaau kon i Daud intua, nokidia in sia in koyow sinbá totabá mita tatua mogutunpa kon Yerikho moidapot in mobiagdon bui in tampeng monia.

TAWARIKH 1 19:5 ပူးပေါင်းရင်းမြစ်များ

SAMUEL 2 10:5

Táe mosia in mooyá in mobui kon butá monia. Naonda in pinotaau kon i Daud in onu inta nobaḻí tatua, nokidia in sia in koyow sinbá totabá mita tatua in mogutun kon Yerikho modapot in kumi monia mobiagdon bui.

DATU MITA IMITÁNEA 16:34

Kon tungkuḷ in pinomarentaan i Ahab, kotá in Yerikho pinosindogdon bui i Hiel intau in Betel. Táe ná inta ain pinoguman muna i Tuhan pinongin i Yosua ki adí i Nun, ki Hiel kinobuḻian i adínea doyowa: ki Abiram inta guya-guyang in minatoi kon dodai in ki Hiel nogukatdon kon pondasi in kotá, bo ki Segub inta ai-ai in minatoi kon dodai in ki Hiel noposindogdon in bonawang mita in kotá tatua.

TAWARIKH 1 19:4

Ki Datu Hanun in nodomok kon totabá mita i Daud tatua, bo kinarugan in tampeng monia, bo nomongkó kon ḷambung monia kinodapot in kayang, bo pinotabá in mosia minayá.

TAWARIKH 1 19:6

Bo ki Datu Hanun bo intau in Amon nonotaaudon kon aid monia tua in nokopopisídon kon i Daud nosaturu kon i monia. Tuamai in nokidiadon in mosia kon 34.000 nokilo in saḷaka kon butá in Mesopotamia Ḻimonik, bo kon Maakha bo Zoba kon Siria sin monondan kon 32.000 in kereta in parang bo tontara inta tumakoi kon kabaḷo. Dá namangoidon in tontara i Datu Maakha takin bayongan in kereta in parang inta sinondanan tatua bo nononḷoḷaigan kon diug in Medeba. Intau in Amon in namangoi domandon nongkon bayongan in kotá monia sin moparang.

MATIUS 18:31

Nokoontongmai kon natua in yobayatnea mita ibanea norobonoḷ totok in gina monia bo binayá pinoguman monia kon i tuang monia tatua in onu inta ain nobaḻí tua.

HAKIM MITA 16:22

Táe kon dodai intua buoknea momangkoidon mobiag bui.