TAWARIKH 1 19:2 - Alkitab Singog In Mongondow Masa In Tanaa

² Bo nogumandon in ki Datu Daud, “Ki Nahas tua in yobayatku inta mosatia, dá mustibí doman natua in akuoi kon i Hanun, ki adínea.” Tuamai in ki Daud nopotabá in totabá minayá in butá in Amon sin noḻipoi kon i Hanun popisí in kinopatoian i amánea. Naonda in mosia noyaput kon Amon,

TAWARIKH 1 19:2 ပူးပေါင်းရင်းမြစ်များ

SAMUEL 2 9:1

Kon singgai tobatú noḻibó in ki Daud, “Oyúonpa degá in nobiag in intau nongkon motoḷuadí i Saul? Aka oyúonpa, yo akuoi in moibog mopoaid in mopia kon inia sin motuḻí kon aid mopia i Yonatan.”

SAMUEL 2 9:7

Ki Daud in noguman, “Dika moondok. Akuoi in motuḷung bo motabibí kon inimu sin motabi in akuoi kon i Yonatan ki amámu. Bayongan in butá i ḷakimu ki Saul, in ogoikudon bui kon inimu bo kinoouputbí in kinobiaganmu motaaubí in iko mongaan kon komaḻig.”

DATU MITA 2 4:13

ki Elisa in noguman kon i Gehazi, “Ḻibódon kon inia mongo naonda in pototuḻíku kon kopopianea kon inaton. Dika-dika ibogonnea akuoi in mayá bo mongonguman kon i datu andeka kon tongguḷu totokan in tontara bo mongonguman kon onu in paraḷunea.” Bobay tatua in notubag, “Akuoi in nogutun kon sigad in ginaḷumku bo diábí in diá in kon inakó naa.”

TAWARIKH 1 19:1

Diá noonggot kon tua ki Nahas datu in Amon minatoi, bo ki Hanun ki adínea ḷoḷaki in nobaḻí datu.

TAWARIKH 1 19:3

itoi mita in butá tatua noguman kon i datu Hanun, “Dikabí in ki Tuang Datu morai kon ki Daud tua in nopotabá mangoi in totabánea tatua sin moibog in sia mohoromat kon i amá i Tuang Datu! Sia in nopotabá kon intau mita tatua namangoi nobaḻí toḻindap sin monaridi kon butá naton, sinbá koagowannea!”

NEHEMIA 13:1

Kon dodai in hukum i Musa binaca kon rayat, nouḻídon in katarangan tanaa: ‘Intau in Amon bo Moab in diábí motaau in dumugang kon umat i Allah;

NEHEMIA 4:3

Bo ki Tobia inta sinimindog kon diugneamai in noguman doman, “Indoiai in dinding inta pinosindog monia! Tongákabí ungkú in kayuon yo mokoumpagbí kon tua!”

NEHEMIA 4:7

Naonda in ki Sanbalat, ki Tobia bo intau mita nongkon Amon bo Asdod bo intau mita in Arab nokodongog kon pinonompiaan kon dinding in Yerusalem tatua in totuu motoyong bo bubú mita kon dinding in nomangkoidon pinaḷonan, sinumorúdon totok in mosia.

ESTER 6:3

Ki datu in noḻibó, “Horomat bo tontuḻí onu inta ain inogoi kon i Mordekhai tua?” Bobantung mita tatua in notubag, “Diábí in sia notarima kon onu bo onu.”

MOHOHUTUBA 9:15

Kon kotá tatua oyúon in intau nobiag nobogá inta mobijaksana. Sia in nokoposaḷamatbí kon kotá tatua. Táe popisí in sia nobiag nobogá, onu in pinomianea tatua baḷúdon kinoḻiongan bo diá tobatúmai in intau nokotorop kon inia

YOHANES 11:19

Kon tua nobayong intau in Yahudi in namangoi bo nohiburmai kon i Marta bo kon i Maria sin kinopatoian i utat monia.

SAMUEL 1 30:26

Naonda in ki Daud nobui kon Ziklag, nokidia in sia in tongo tonsilai nongkon barang mita inta inagow tatua kon itoi mita in kotá in Yohuda inta ain notuḷung kon inia, gumannea, “Naadon in tombuinag kon inimu nongkon barang inta inagow inta ginamá nami nongkon musung i Tuhan.”