TAWARIKH 1 19:19 - Alkitab Singog In Mongondow Masa In Tanaa

¹⁹ Kon dodai in datu mita inta kinawasa i Datu Hadadezer, nokoontong kon mosia in sinaḷowdon in tontara in Israel, mosia in nopoigum sinbá modamedon takin i Daud, bo motoguondok kon inia. Nopaḷut mako kon tua intau in Siria doídon mobantung bui kon intau in Amon.

TAWARIKH 1 19:19 ပူးပေါင်းရင်းမြစ်များ

SAMUEL 2 10:1

Diá noonggot nongkon tua ki Nahas datu in Amon minatoi, bo ki Hanun ki adínea ḷoḷaki in nobaḻí datu.

SAMUEL 2 10:19

Naonda in datu mita inta kinawasa i Hadadezer nokoontong kon sinaḷowdon in mosia in tontara in Israel, nopoigum in mosia moyodame bo tumungkudon kon intau in israel. Nongkon dodaidon intua intau in Siria in diádon mokobaḻí motuḷung kon intau in Amon.

DATU MITA IMITÁNEA 20:1

Kon singgai tobatú ki Benhadad, datu in Siria, nosipun kon bayongan in tontaranea, bo noyotakin in 32 in datu mita ibanea takin kereta in parang, bo kabaḷo monia, nongopung bo nonubu in sia kon kotá in Samaria.

DATU MITA IMITÁNEA 20:12

Tubag i Ahab tatua pinotaau kon i Benhadad kon dodai in sia noyotakin in datu mita ibanea inta nobaḻí yobayatnea kon dodai in mosia yogot in nonginumai kon bonu in pinononḷoḷaigan monia. Nokodongogmai kon natua ki Benhadad in nomarenta kon bayongan in porwiranea mita kon mosadiadon monubu kon kotá in Samaria. Dá nosadiadon in mosia.

TAWARIKH 1 14:17

Dá pinonango-nangoiandon in tangoi Daud kon bayongan tampat, bo binaḻídon i Tuhan in bayongan bangusa moondok kon i Daud.

TAWARIKH 1 19:18

bo tontara in Siria sinaḷow in tontara in Israel. Ki Daud bo tontaranea in nokoḻimod kon 7.000 in intau inta nodia kon kereta in parang bo 40.000 in tontara inta minaya-mayá in sioḷ. Ki Sobakh tongguḷu totok in tontara in Siria tatua in iḻimod doman.

TAWARIKH 1 20:1

Kon sempo in pononubú noiduduimai, kon tungkuḷ in datu mita biasamai mayá moparang, ki Yoab in nonongganutdon kon tontaranea bo nogagow kon butá in Amon. Kon tungkuḷ intua ki Datu Daud in umuranpa kon Yerusalem bo diá dinumudui. Ki Yoab bo tontaranea in nongopung kon kotá in Raba, bo nonubu poḷat nomayong kon kotá tatua.

MAZMUR 18:39

Pomobakku in mosia modapot in diádon mokobangon bui, mosia in moobat diádon mokopongonu kon tayowon in sioḷku.

MAZMUR 18:44

Pinoḷuat-Mu in akuoi kon inanakan inta moraat, bo binaḻí-Mu in akuoi mongongawasa kon bangusa mita; bangusa inta diá kinotaauanku in nobaḻí bobantungku.

YESAYA 10:8

Sia in dinumodia, gumannea, “Tongguḷu in tontaraku mita in komintanbí datu!