TAWARIKH 1 19:18 - Alkitab Singog In Mongondow Masa In Tanaa

¹⁸ bo tontara in Siria sinaḷow in tontara in Israel. Ki Daud bo tontaranea in nokoḻimod kon 7.000 in intau inta nodia kon kereta in parang bo 40.000 in tontara inta minaya-mayá in sioḷ. Ki Sobakh tongguḷu totok in tontara in Siria tatua in iḻimod doman.

TAWARIKH 1 19:18 ပူးပေါင်းရင်းမြစ်များ

SAMUEL 2 10:18

Táe sinaḷow in intau Israel in tontara in Siria nodapot in inumundok. Ki Daud takin tontaranea nokoḻimod kon 700 in intau inta sinumakoi kon kereta in parang, bo 40.000 in tontara inta sinumakoi kon kabaḷo; koḻikud intua ki Sobakh tongguḷu totokan in tontara in musung sinompaḻíandon nodaḷom dá minatoi kon tampat pinoparangan.

TAWARIKH 1 19:17

Nokodongogmai kon tua, nosipun in ki Daud kon bayongan in tontara in Israel, bo iḷumoḷan kon Ongkag in Yordan bo nonompia kon pipidannea pinoyogintayow in intau in Siria. Dá noparangdon in mosia,

TAWARIKH 1 19:19

Kon dodai in datu mita inta kinawasa i Datu Hadadezer, nokoontong kon mosia in sinaḷowdon in tontara in Israel, mosia in nopoigum sinbá modamedon takin i Daud, bo motoguondok kon inia. Nopaḷut mako kon tua intau in Siria doídon mobantung bui kon intau in Amon.

MAZMUR 18:32

Sin tongábí ki Tuhan in Allah; Tongábí ki Allah in mododuḷu naton.

MAZMUR 33:16

Datu in diábí nountung popisí in nobarong in tontaranea, prajurit in deemanbí nosaḷamat popisí in ropotnea.

MAZMUR 46:11

Kai-Nia, “Pogogaidon moparang; pokotaaudon, Akuoi naa in Allah, Akuoi in momulia kon sigad in bangusa mita, momulia kon sinangkub in butá.”