TAWARIKH 1 18:4 - Alkitab Singog In Mongondow Masa In Tanaa

⁴ Ki Daud in nokoagow kon 1.000 in kereta in parang, bo nodomok kon 7.000 in tontara inta tumotakoi kon kabaḷo bo 20.000 in tontara inta maya-mayá in sioḷ. Pinengkoḷannea in bayongan kabaḷo, bo sinonggagatan inta tugat pakéon kon 100 in kereta in parang.

TAWARIKH 1 18:4 ပူးပေါင်းရင်းမြစ်များ

KINOBAḺIAN 49:6

Akuoi in diábí dumudui kon pinoyopakatan monia, diá doman tumuot kon pinoyosipunan monia. Sin mosia in noḻimod popisí in dinia in yaat in gina, mopotungkud in bantong sin tua in mokosanang kon i monia.

SAMUEL 2 8:4

Ki Daud in nodomok kon 1.700 in tontara inta sinumakoi kon kabaḷo bo 20.000 in tontara inta minaya-mayá in sioḷ. Pinengkoḷannea in bayongan kabaḷo, koḻikudon in tongosilai, inta tugat pakéon kon kereta in parang mogatut.

DATU MITA IMITÁNEA 10:26

Ki Salomo in nogoiní kon intau mita binaḻí tontara in parang inta ná tanaa: 1.400 in kereta in parang bo 12.000 in tontara tumotakoi kon kabaḷo. Ibanea in pinobayánea kon Yerusalem bo ibanea doman in kon bayongan in kotá ibanea.

DATU MITA IMITÁNEA 4:2

Naa in intau mita moḷoben inta dinuí i Salomo: Imang mita: Ki Zadok, ki Azarya adí i Zadok, ki Abyatar Momomais in negara: Ki Elihorep bo ki Ahia, inta ki adí mita i Sisia Bendahara in negara: ki Yosapat adí Ahilud Tongguḷu totok in tontara: Ki Benaya adí i Yoyada Pongawas in bupati mita: Ki Azaria, adí i Natan Monononggina i datu: ki Imang Zabud, adí i Natan Tongguḷu kon bonu in komaḻig: ki Ahisar Tongguḷu in mogogaid mita: ki Adoniram, adí i Abda.

TAWARIKH 1 18:3

Onda intua ki Daud nonaḷow kon i Hadadezer, datu kon Zoba kon diug in butá in Hamat kon butá in Siria. Kon tungkuḷ intua ki Hadadezer kon bonu in binayáan sin mayá mongawasa kon butá inta kon diug in uḷuan Ongkag in Eprat.

TAWARIKH 1 18:5

Intau in Siria nongkon Damsyik nopotabá in tontara sin mobantung kon i Datu Hadadezer, táe sinaḷow i Daud in mosia bo noyompat kon 22.000 in intau.

MAZMUR 20:7

Tanaa in kinotaauanku kon ki Tuhan in mopountung kon i datu inta piniḻí-Nea. Ki Tuhan in notubag kon inia nongkon soroga inta motusi; pinodoyon kon kawasa i Tuhan pountungon totok.

ULANGAN 17:16

Datu in diábí motaau kokabaḷo mobayong sin pakéon in tontaranea bo diábí motaau mopotabá kon bangusa tanaa in bui mayá in Mesir sin motaḷui kon kabaḷo, sin ki Tuhan ain noguman kon umat-Nea in diábí motaau mayá bui in butá tatua.

YOSUA 11:6

Ki Tuhan noguman kon i Yosua, “Dika moondok kon i monia. Ikoḷom kon oras ná tanaa, mosia tua in komintandon ḻimodon-Ku sin motuḷung kon Israel. Kabaḷo monia in musti pengkoḷanmu, bo kereta mita in parang monia in musti turubon mu.”

YOSUA 11:9

Ki Yosua in nopoaid intua kon i monia pinodudui kon onu inta pinarenta i Tuhan: pinengkoḷannea in kabaḷo monia, bo nonurub kon kereta mita in parang monia.