TAWARIKH 1 18:14 - Alkitab Singog In Mongondow Masa In Tanaa

¹⁴ Natuata in ki Daud nomarenta kon bayongan in Israel bo noḷukad sinbá rayatnea tantú popoaidan in inta moadil bo mopia.

TAWARIKH 1 18:14 ပူးပေါင်းရင်းမြစ်များ

SAMUEL 2 8:15

Natuata in nobaḻí ki Daud nomarenta kon bayongan in Israel bo noḷukad sinbá rayatnea in umuran koadilon bo kopiaan in pomomarenta.

TAWARIKH 1 12:38

Bayongan in pojuang tatua minayá in Hebron kon bonu in kaadaan mosadiadon moparang bo moniatdon moduí kon i Daud mobaḻí datu in bayongan in Israel. Bo bayongan in intau in Israel inta ibanea in notongkai doman in raian kon mogaid kon tua.

TAWARIKH 1 18:13

bo noposindog in ḷoḷaigan mita in tontara kon bayongan in Edom. Dá notoguondokdon in intau mita in Edom kon i Datu Daud. Ki Tuhan nobogoi in kauntungan kon i Daud kon ondaka in bayáannea poparangan.

TAWARIKH 1 18:15

Naa in pojabat mita moḷantud inta dinuí i Daud: Tongguḷu totokan in tontara: ki Yoab ki guya-guyang i Abisai. Momomais in komaḻig: ki Yosapat ki adí i Ahilud. Imang mita: ki Zadok ki adí i Ahitub bo ki Ahimelek ki adí i Abyatar. Momomais in negara: ki Sausa. Tongguḷu in moḷoḷukad i datu: ki Banaya ki adí i Yoyada. Ki adí mita ḷoḷaki i Daud in nokadai kon jabatan inta moponting kon bonu in pinomarentaan.

TAWARIKH 1 29:26

Ki Daud ki adí i Isai in nomarenta kon bayongan in Israel

MAZMUR 72:1

Nongkon i Salomo. Oo Allah, tundúdon in hukum-Mu kon i datu, ogoiaidon in kooadil-Mu kon i adí ḷoḷaki i datu.

MAZMUR 89:14

Totuu moḷoben in kawasa-Mu, bo totuu motoyang in ropot-Mu!

YESAYA 9:7

Ki Tuhan ain nopoḷabú in hukuman kon dodatuan in Israel.

YEREMIA 22:15

Indongogaidon, ei Datu Yoyakim! Aka iko moposindog in komaḻig mopomaké in kayu ḷokuyú in Libanon inta totok in mopia, yo degá tua in nobaḻí tomponuot kon iko in mopia-pia nongkon bayongan in datu ibanea? Tungkuḷaika torop in ki amámu: Sia in nokonanamdon kon kobiagan motompia bo nokodapot kon bayongan in inta iḷongasinea, popisí in sia in umuran motuḻid bo mojujur bo monisig kon pelekara in intau bogá pongin aid moadil. Memang mustibí natua in aid in intau inta nonotaau kon i Tuhan.

YEREMIA 33:15

Kon dodai intua intau moadil tobatú nongkon buí i Daud in piḻíon-Kubí mobaḻí datu. Datu tatua in mogaid kon onu inta moadil bo inta totuu kon sinangkub in butá.