TAWARIKH 1 18:1 - Alkitab Singog In Mongondow Masa In Tanaa

¹ Diá noonggot kon tua ki Datu Daud nonubu bo nonaḷow kon intau in Pilistin poḷat nogagow kon kotá in Gad takin ḻipú mita kon diugneamai.

TAWARIKH 1 18:1 ပူးပေါင်းရင်းမြစ်များ

SAMUEL 2 1:20

Poigumon mako in intau mita in Gat diá nokodongog kon habar tatua. Poigumon mako in lorong mita in Askelon diá nokodongog kon habar soaḷ tatua. Dika modapot in bobay mita in Pilistin morogiowdon dika modapot in bobay kaper momaḷú moyotakin.

TAWARIKH 1 17:27

Tuamai, in poigumonku, barakataidon kaasí in buíku sinbá moidapot in mononoi mosia umuran mokorasa kon tabi-Mu. Sin, Iko in nomarakatdon kon umat-Mu, o Tuhan, dá mosia in umuranbí barakatan moidapot in mononoi.”

TAWARIKH 1 18:2

Ki Daud in nonaḷow doman kon intau in Moab dá notoguondokdon in mosia bo noguboḻi kon iba kon inia.

TAWARIKH 2 11:8

Gat, Mares, Zip,

SAMUEL 1 27:4

Naonda in kinodongogan i Saul kon ki Daud ain noḷagui minayá in Gat, diádon in sia moḷongasi modomok kon inia.

SAMUEL 1 5:8

Tuamai in nogoiní in mosia kon datu in Pilistin taya ḻima sin moyosipun, bo noḻibó, “Onuon naton in Poti Dodandian i Allah in Israel tatua?” Tubag in datu mita tatua, “Pampingdon kon kotá in Gat.” Dá, poti tatua pinampingdon kon kotá in Gat, kotá tobatú ibanea kon Pilistin.

SAMUEL 1 7:14

Bayongan in kotá in Israel inta ain pinotungkud in intau in Pilistin, pinangkoi kon Ekron nodapot kon Gat, pinobuidon kon Israel. Dá nouḻídon bui in Israel in bayongan butánea. Intau in Israel bo intau in Amori nobiagdon nodame.