TAWARIKH 1 17:7 - Alkitab Singog In Mongondow Masa In Tanaa

⁷ Tuamai, Natan, potaaudon kon i Daud mogogundoi-Ku kon Akuoi, Tuhan Inta Mokawasa Totok in moguman kon inia, ‘Iko in ginamá-Kudon nongkon oaidanmu moḷukad kon domba kon rawang, bo binaḻí-Ku datu kon umat-Ku Israel.

TAWARIKH 1 17:7 ပူးပေါင်းရင်းမြစ်များ

SAMUEL 2 6:21

Ki Daud in notubag, “Akuoi naa in notayok sin mohoromatbí kon i Tuhan, inta ain nondoí kon i amámu bo kon motoḷuadínea, bo nomiḻí kon inakó nobaḻí itoi in Israel, umat-Nea. Tuamai umuranbí in akuoi motayok sin mohoromat kon i Tuhan.

SAMUEL 2 7:8

Tuamai, Natan, potaau kon mogogundoi-Ku ki Daud, kon Akuoi, ki Tuhan Inta Totok in Mokawasa, noguman kon inia, ‘Iko in biningkat-Kudon nongkon oaidanmu moḷoḷukad kon domba kon tampatnea bo dinuí-Kudon nobaḻí datu kon umat-Ku Israel.

TAWARIKH 1 17:6

Kon bonu in podondaḷoian-Ku takin in bangusa in Israel diápa kon dodai in onda in Akuoi noḻibó kon itoi mita inta ain piniḻí-Ku, nongonu sin mosia in diábí noposindog in baḷoi tobatú nongkon kayu ḷokuyú in Libanon kon i-Nakó.’

TAWARIKH 1 17:8

Akuoi in notuḷungdon kon inimu kon ondakabí in bayáanmu, bo bayongan in musungmu iyompat-Ku kon dodai in iko noparang. Iko in baḻíon-Ku ponango-nangoian ná itoi mita inta totok in mongokawasa mita kon dunia.

MATIUS 2:6

Bo iko Betlehem, butá i Yohuda, iko in deemanbí totok in mointok kon sigad monia inta nomarenta kon Yohuda. Sin nongkon inimubí naa moisindog in tobatú intau inta mobaḻí itoi, Sia inta moḷukad kon bayongan umat-Ku kon Israel.”

LUKAS 5:10

Natua doman in yobayatnea, ki Yakobus bo ki Yohanes inta ki Adí mita i Zebedeus. Dá ki Yesus in noguman kon i Simon, “Dika moondok, sin nongkon tanaa mako, iko in baḻíon-Kudon mololandará kon intau.”

SAMUEL 1 17:15

Ki Daud in mokakit in monaḷámai kon i Saul bo mobui mayá in Betlehem sin moḷukad kon domba i amánea.