TAWARIKH 1 17:23 - Alkitab Singog In Mongondow Masa In Tanaa

²³ Tanaa, o Tuhan Allah, irigonaipa kaasí modapot in mononoi in dandi inta ain siningog-Mu kon inakó bo kon buíku. Aidaidon kaasí in onu inta ain pinodandi-Mu tatua.

TAWARIKH 1 17:23 ပူးပေါင်းရင်းမြစ်များ

KINOBAḺIAN 32:12

Toropdon kon ki Tuhan tontaní ain nodandi monompia kon inakó kotompiaan bo mobogoi kon inakó in buí mobarong. Diá tobatúmai in mokoiap sin kobayongnea naonda bo bungaion kon pintad.”

TAWARIKH 1 17:22

Bangusa Israel in binaḻí-Mudon umat-Mu tontaní moidapot in mononoi. Bo Iko o Tuhan, in nobaḻí Allah monia.

TAWARIKH 1 17:24

Kon ondaka in intau umuranbí mopoḷantud in tangoi-Mu bo moguman, ‘Tuhan Inta Totok Mokawasa, Sia tua in ki Allah in Israel.’ Umuranbí mononoi in intau tobatú nongkon buíku in momarentabí mobaḻí datu.

TAWARIKH 1 28:4

Ki Tuhan Allah inta sinumba in Israel, ain nomiḻí kon inakó bo buíku sin momarenta kon Israel moidapot in mononoi. Bo kon bonu in moposadia kon itoi tobatú dá piniḻí-Nea in suku Yohuda, bo nongkon suku tatua piniḻí-Nea in motoḷuadí i amáku. Bo nongkon bayongan in tombonu in motoḷuadí i amáku tatua dá noibog in Sia nomiḻí kon inakó bo binaḻí-Nea in akuoi datu kon bayongan in Israel.

TAWARIKH 2 1:9

Tanaa, o Tuhan Allah, igumon intompodan-Mudon in dandi-Mu kon i amáku. Dinuí-Mudon in akuoi nobaḻí datu in bangusa inta moḷoben tanaa inta diádon koiapan in kobayongnea.

MAZMUR 119:49

Toropdon in dandi-Mu kon mogogundoi-Mu tanaa, dandi inta mobogoi in kamang kon inakó.

YEREMIA 11:5

Aka mosia mogaid kon bayongan intua, Akuoi in mogintompodbí kon dandi-Ku kon mogoguyang monia kon butá inta mopia bo nooyúon, inta tanaa inutunan monia tua, in ogoi-Ku kon i monia.” Akuoi in notubag, “Mopia, Tuhan.”

LUKAS 1:38

Kain singog i Maria doman, “Akuoi naa kaasí in tongábí bobantung i Tuhan, dá onu in kinoibog i Tuhan mobaḻí kon inakó dá kobaḻídon podudui in singogmu tanion.” Onda intua malaekat tatua nonaḷámai kon i Maria.