TAWARIKH 1 17:21 - Alkitab Singog In Mongondow Masa In Tanaa

²¹ Kon sinangkub in dunia naa diábí in bangusa in ná Israel. Israel in bangusa tobatú inta pinoḷuat-Mu nongkon pinononggataan sin baḻíondon umat-Mu tontaní. Bayongan oaidan moḷoben bo inta mokoherang inta Inaidan-Mu kon i monia nokobaḻídon kon tangoi-Mu ponango-nangoian kon sinangkub in dunia. Pinoḷuat-Mu in umat-Mu nongkon Mesir, bo nopoguntun in bangusa mita ibanea kon tungkuḷ in umat-Mu minayá noparang.

TAWARIKH 1 17:21 ပူးပေါင်းရင်းမြစ်များ

TAWARIKH 1 17:20

Tongábí Iko in Allah, diábí in notongkai-Mu. Kinotaauanbí nami intua sin pinotaaudon muna nongkon koḻipodpa.

TAWARIKH 1 17:22

Bangusa Israel in binaḻí-Mudon umat-Mu tontaní moidapot in mononoi. Bo Iko o Tuhan, in nobaḻí Allah monia.

NEHEMIA 9:10

Pinopoaid-Mu kon datu in Mesir in aid mita inta diá in poḻiuan, bo kon pogawai takin rayat kon butánea, sin kinotaauan-Mu naonda in pinororiga monia kon umat-Mu. Bo ponango-nangoiandon in tangoi-Mu noidapot in singgai naa.

MAZMUR 107:2

Bui-buimaidon singog intua, ei moiko inta ain pinosaḷamat nongkon susa.

MAZMUR 111:9

Sia in nopoḷuat kon umat-Nea, bo nomia kon dodandian mononoi takin i monia. Sia tua in ki Tuhan inta mokudus bo motorindog!

MAZMUR 147:20

Diábí intua inaidan-Nea kon bangusa mita ibanea, mosia in diábí nonotaau in hukum-Nea mita. Dayowdon in ki Tuhan!

MAZMUR 65:5

Pia in kamang in intau inta piniḻí-Mu, bo inoiní-Mu mogutun kon Baḷoi-Mu. Kami in pooroponbí in bayongan inta mopia kon Baḷoi-Mu, pogogutunan-Mu inta motusi.

MAZMUR 77:15

Ikobí in ki Allah inta nomia kon inta mokoherang, kawasa-Mu ain pinoniata-Mu kon yuak in bangusa mita.

IḶUAIAN 6:6

Moiko in baḻíon-Ku umat-Ku, bo Akuoi in mobaḻí ki Allahmu. Dá kotaauandon monimu kon Akuoi naa in ki Tuhan, Allahmu, inta nopoḷuat kon i monimu nongkon pinononggataan kon Mesir.

YESAYA 48:9

Sinagú-Ku in torú-Ku sinbá tangoi-Ku in popotaau. Pinondam-Ku intua kon inimu sinbá iko in diá yopúon.

YESAYA 63:12

Kon onda in ki Tuhan inta koyot-yotakin i Musa takin ḻima-Nea inta moropot motorindog, bo nomotak kon tubig kon tayowon monia sinbá tangoi-Nea in kotaauandon modapot in mononoi?

YESAYA 63:9

Sia tontaní in kinoantugan in roriga monia. Ki Tuhan in diábí nopotabá in totabá andeka duta; Siabí tontaní inta nopoḷuat kon i monia popisí in tabi bo totabi-Nea. Sia in umuranbí momiag kon i monia nongkon tungkuḷpabímai.

YESAYA 64:3

Nokoimontandon in Iko nopoontong in oaid-Mu inta motoyang, inta diábí sinangkamai nami. Iko in noponag, bo kon tayowon-Mu buḷud mita modandú.

YEREMIA 32:21

Pinongin kawasa bo ropot-Mu inta moḷoben Iko in nodia kon umat in Israel iḻumuai nongkon Mesir. Iko in nogaid kon inta mujizat mita bo inta mokoherang bo aid mita inta mokodoḻiok kon musung.

ULANGAN 15:15

Toropdon kon moiko in koḻipod in atabí doman kon Mesir bo pinoḷuatdon i Tuhan Allahmu; tuamai in ogoiku in parenta tanaa kon inimu.

ULANGAN 4:7

Bangusa moḷobenbí kon onda in ko ilah inta námai tua in kododagin aka paraḷuon ná kododagin i Tuhan Allah naton kon i naton? Sia in motubag toonukabí in kita mokuani mokituḷung kon i-Nia.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

YOSUA 10:42

Tongá komintan noparang, ki Yosua nokotaḷowdon kon bayongan in datu tatua bo nogagow kon bayongan butá inta kon bonu in kawasa monia, sin ki Tuhan, Allah Israel, noparang noyotakin in Israel.