TAWARIKH 1 17:19 - Alkitab Singog In Mongondow Masa In Tanaa

¹⁹ Podudui kon ibog-Mu tontaní, bo kopontinganku Iko in nogaidon kon bayongan oaidan moḷoben tanaa takin diá binuni-buni.

TAWARIKH 1 17:19 ပူးပေါင်းရင်းမြစ်များ

SAMUEL 2 7:21

Pinodoyon kon dandi-Mu bo pinodoyon kon ibog-Mu tontaní Iko ain nomia kon oaidan mita inta moḷoben tua sin motundú kon mogogundoi-Mu naa.

TAWARIKH 1 17:18

Onupa in motaauku singogon kon ini-Mu, o Tuhan Allah? Iko in nonotaaudon in bayongan yagi-yagi kon mogogundoi-Mu naa, táe inogoian-Mu in kahoromatan in akuoi.

TAWARIKH 1 17:20

Tongábí Iko in Allah, diábí in notongkai-Mu. Kinotaauanbí nami intua sin pinotaaudon muna nongkon koḻipodpa.

MAZMUR 111:3

Aid i Tuhan totuu moḷantud bo dinayo-dayow, kooadil-Nea in mononoi totok.

MAZMUR 111:6

Sia in nopoontongdon in kawasa-Nea kon umat-Nea, pinongin nobogoi kon i monia in butá budel in bangusa mita.

MAZMUR 116:16

Akuoi naa in mogogundoi-Mu, o Tuhan, naonda bo ki ináku, akuoi in mogundoi doman kon ini-Mu Iko in nopoḷuatdon kon inakó nongkon ponjara.

YESAYA 37:35

Kotá in Yerusalem in duḷuan-Kubí bo ḷukadan-Ku sin kahoromatan-Ku tontaní bo popisí in dodandian-Ku takin i mogogundoi-Ku ki Daud.’ ”

YESAYA 42:1

Guman i Tuhan, “Naa in mogogundoi-Ku inta binaba-Ku, intau inta piniḻí-Ku inta mokosanang kon gina-Ku. Akuoi ain nobogoi in kawasa-Ku kon inia, sin modia kon koadilan kon batúan in bangusa.

YESAYA 49:3

Guman-Nea kon inakó, “Ikobí in mogogundoi-Ku; Akuoi in poḷantudonbí popisí in iko.”

DANIEL 9:17

O Allah nami, indongogaipa kaasí in sambayang bo oigumku. Pomiadon bui in baḷoi-Mu inta ain iyompat tatua, tompiadon sinbá bayongan in intau monotaau kon Ikobí in ki Allah.

MATIUS 11:26

O, Amá, tuata in kinosanang-Mu.”

EPESUS 3:11

Tua in inaidan i Allah podudui in tomayá-Nea inta mononoi, inta inaidan-Nea pinongin i Kristus Yesus, Tuhan naton.