TAWARIKH 1 17:14 - Alkitab Singog In Mongondow Masa In Tanaa

¹⁴ Ki adímu ḷoḷaki inta piniḻí-Ku tua in baḻíon-Ku datu kon umat-Ku bo dodatuan-Ku modapot in mononoi, bo ki adí bo ki ompunea namonag in momarentabí mobaḻí datu.’ ”

TAWARIKH 1 17:14 ပူးပေါင်းရင်းမြစ်များ

TAWARIKH 1 17:13

Akuoi in mobaḻí ki Amánea bo sia in mobaḻí ki adí-Ku ḷoḷaki. Akuoi in umuranbí mopoaid in inta mopia podudui in dandi-Ku. Dandi-Ku kon inia in umuran-Kubí kadaian, diábí ná inta pinomia-Ku kon i Saul inta ain inundud-Ku nongkon ḷoḻitúannea sinbá motaau in iko baḻíon datu.

TAWARIKH 1 17:15

Ki Natan in nopoyaput kon i Daud in bayongan inta ain pinoniata i Allah kon inia.

MAZMUR 2:6

Kai-Nia, “Kon Sion buḷud-Ku inta motusi aindon dinuí-Ku datu inta piniḻí-Ku.”

MAZMUR 72:17

Igumon mako ki datu in umuran tano-tano bo modapot in mononoi, bo sia in modugangdon totok tango-tangoion kon tungkuḷ in mata in singgai tantúpa oyúon. Igumon mako bangusa mita in mopoigum in barakat naonda bo sia, bo bayongan in intau moguman kon mosanang totok in sia.

MAZMUR 89:36

Kokomintan tua modapot in mononoi Akuoi in mongibot podoyon kon tangoi-Ku inta motusi; Akuoi in diábí monguboḷ kon i Daud.

IBRANI 3:6

Táe ki Kristus in mosatiabí saḷaku Adí inta motanggung jawab kon Baḷoi Allah. Bo kitabí naa in Baḷoi Allah aka umuran moḷoben in ibog naton kumadai bo moyakin in mokouḻí kon onu inta harapon mako naton.