TAWARIKH 1 17:13 - Alkitab Singog In Mongondow Masa In Tanaa

¹³ Akuoi in mobaḻí ki Amánea bo sia in mobaḻí ki adí-Ku ḷoḷaki. Akuoi in umuranbí mopoaid in inta mopia podudui in dandi-Ku. Dandi-Ku kon inia in umuran-Kubí kadaian, diábí ná inta pinomia-Ku kon i Saul inta ain inundud-Ku nongkon ḷoḻitúannea sinbá motaau in iko baḻíon datu.

TAWARIKH 1 17:13 ပူးပေါင်းရင်းမြစ်များ

DATU MITA IMITÁNEA 11:36

Tongá tongosuku in pomayá-Kubí mako kon inia, sinbá umuran oyúon in intau tobatú nongkon buí in mogogundoi-Ku ki Daud inta momarenta kon tayowon-Ku kon Yerusalem, kotá inta ain piniḻí nobaḻí tampat posumbaan kon i-Nakó.

TAWARIKH 1 17:14

Ki adímu ḷoḷaki inta piniḻí-Ku tua in baḻíon-Ku datu kon umat-Ku bo dodatuan-Ku modapot in mononoi, bo ki adí bo ki ompunea namonag in momarentabí mobaḻí datu.’ ”

MAZMUR 2:12

Tungkudon kon tayowon-Nea takin urot, dika modapot in ki Tuhan tumorú bo moiko in baḷunea putúan, sin torú-Nea baḷúdon modokot. Pia in kamang in intau inta moniung kon i Tuhan!

MAZMUR 2:7

Guman i datu, “Akuoi in moibog mopotaau in onu inta ain sinantú i Tuhan. Guman-Nea kon inakó, ‘Iko in ki adí-Ku ḷoḷaki, singgai in naa Akuoi in nobaḻí ki Amámu.

YESAYA 55:3

Indongogaidon, ei bangusa-Ku, angoidon kon i-Nakó, moiko in ogoian-Ku in kobiagan inta mononoi. Pinodoyon kon tabi bo kososatia inta pinodandi-Ku kon i Daud, Akuoi in notogot kon dandi mononoi takin i monimu.

LUKAS 1:32

Sia in mobaḻí intau moḷoben bo tangoion ki Adí i Allah Inta Totok in moḷantud. Baḻíon i Allah in Sia Datu naonda bo ki Daud ki ḷaki-Nea.

LUKAS 9:35

Bo kinodongogandon in singog nongkon yuak in goḷom tatua in noguman, “Tanaa in ki Adí-Ku inta piniḻí-Ku. Indongogaidon in Sia!”

YOHANES 3:35

Ki Amá motabi kon i Adí-Nea, bo pinosarakan-Neadon bayongan in kawasa-Nea kon i-Nia.

KORINTUS 2 6:18

Akuoi in mobaḻíbí ki Amá monimu, bo moiko in mobaḻíbí ki adí-Ku mita, natua in singog i Tuhan Inta totok in Mokawasa.”

IBRANI 1:5

Sin diábí kon dodai in onda ki Allah in noguman kon tobatúmai in malaekat, “Iko in ki Adí-Ku, singgai naa Akuoi in nobaḻí ki Amá-Mu.” Bo diábí doman kon dodai in onda ki Allah in noguman kon malaekat mita nanaa: “Akuoi in mobaḻí ki Amá-Nea, bo Sia in mobaḻí ki Adí-Ku.”

SAMUEL 1 15:28

Bo noguman in ki Samuel kon inia, “Kon singgai in naa ki Tuhan ain nomerak kon dodatuan in Israel nongkon i Tuang, bo nobogoi kon intau ibanea inta mopia-pia nongkon i Tuang.