TAWARIKH 1 17:11 - Alkitab Singog In Mongondow Masa In Tanaa

^11-12 Kon singgai moiduduimai, aka modapotdon in wakutumu matoi bo ḷobongon in iko kon poḷoḷobongan in mogoguyangmu, adímu ḷoḷaki tobatú in baḻíon-Kudon datu. Siadon in moposindog in baḷoi kon i-Nakó. Dodatuan nea in irigonan, bo kon kinoouput in dunia naa tobatú nongkon buínea in momarenta mobaḻí datu.

TAWARIKH 1 17:11 ပူးပေါင်းရင်းမြစ်များ

KINOBAḺIAN 15:15

Iko tontaní moumur in kobiaganmu, bo matoi takin pia in gina, bo ḷobongon.

DATU MITA IMITÁNEA 1:21

Aka diá in kotantúan in tosingogon i Tuang datu, dá notantú bidon kon naonda in ki tuang datu matoi, akuoi bo ki adíku ḷoḷaki in pomiaan naonda bo moḷoḷawang.”

DATU MITA IMITÁNEA 2:10

Onda intua ki Daud minatoi bo iḷobong kon kotá i Daud.

DATU MITA IMITÁNEA 8:19

Tongá, deemanbí iko, táe ki adímubí in moposindog in baḷoi-Ku tatua.’

DATU MITA IMITÁNEA 8:20

Tanaa in ki Tuhan in nogintompodon kon dandi-Nea. Akuoi ain nobaḻí datu in Israel nomaḷui kon i amáku, bo akuoi in noposindog domandon in baḷoi pososumbaan kon i Tuhan, Allah in Israel.

TAWARIKH 1 28:5

Sia in nobogoi in adí nobayong kon inakó bo nongkon bayongan i adíku tatua piniḻí-Nea in ki Salomo sin momarenta kon Israel, dodatuan i Tuhan.

TAWARIKH 1 29:15

Kinotaauan-Mubí, o Tuhan, kon ná doman mogoguyang nami, kami in nobiag naa in naonda bo mokokiangoi bo intau ango-angoi. Kobiagan nami in naonda bo oḻinow inta noitaḻib, bo kami naa in diábí moiḷagui kon popatoi.

TAWARIKH 1 29:28

Nooyúon in sia bo ihoromat bo minatoi kon dodai in nogoguyangdon. Ki Salomo ki adínea ḷoḷaki in nobaḻí datu nomaḷui kon inia.

TAWARIKH 2 6:9

Táe, deemanbí iko, táe ki adímubí in moposindog in baḷoi-Ku tua.’

MAZMUR 132:11

Ki Tuhan in nongibotdon kon i Daud; Sia in diábí monginggamá kon dandi-Nea. Guman-Nea, “Ki adímu tobatú in baḻíon-Kubí datu sin momarenta monoḻiu kon inimu.

MAZMUR 89:5

‘Ḷoḻitúan pomomarentaanmu in ḷukadan-Ku modapot in mononoi, modapot in ki adí bo ki ompumu in ḻimitú kon tua.’ ”

YEREMIA 33:17

Akuoi, ki Tuhan, modandi kon umuran oyúon in intau tobatú nongkon buí i Daud inta mobaḻí datu in Israel;

OUMAN IN RASUL MITA 13:36

Naonda in nogaid mako kon onu inta kinoibog i Allah in ki Daud kon wakutu in nobiagpa, sia in minatoi domandon bo iḷobong kon diug i mogoguyangnea. Dá noyoyangbí domandon komintan in awaknea.

OUMAN IN RASUL MITA 2:29

Utatku mita, bá singogonkudon kotarangon kon i monimu in soaḷ ki Daud, ki mogoguyang naton. Sia ain minatoi bo iḷobongdon doman; pinoḷobongan kon inia in umuranpa oyúon kon sigad naton dapot in masa in tanaa.

ULANGAN 31:16

Guman i Tuhan kon i Musa, “Kopatoianmu in motoyongdon. Naonda in iko matoi, bangusa Israel in diádon mosatia kon i-Nakó bo monoḻikudon kon dodandian inta pinomia-Ku takin i monia. Mosia in monaḷámaidon kon i-Nakó sin mayá mosumba kon ilah mita inta sinumba kon butá inta diádon moonggot tuotan monia.