TAWARIKH 1 17:1 - Alkitab Singog In Mongondow Masa In Tanaa

¹ Naonda in ki Datu nogutundon notantú kon komaḻignea, kon singgai tobatú sia nogoiní kon i Nabi Natan bo noguman, “Indoiai, akuoi naa in nogutun kon komaḻig inta pinomia nongkon kayu ḷokuyú in Libanon, bo Poti Dodandian i Tuhan in tongábí kon bonu in ḷoḷaigan!”

TAWARIKH 1 17:1 ပူးပေါင်းရင်းမြစ်များ

SAMUEL 2 12:1

Nopaḷut mako kon tua ki Tuhan in nopotabá kon i Nabi Natan minayá nokipodungkuḷ kon i Daud. Minayá in ki Natan kon inia bo noguman, “Oyúon in intau doyowa in nogutun kon kotá tobatú; Tobatú in nobiag nooyúon bo inta tobatú doman in nobiag nobogá.

SAMUEL 2 12:25

bo pinoki tontangoi kon i Nabi Natan in adí tatua ki Yedija, sin ki Tuhan notabi kon inia.

SAMUEL 2 6:17

Poti in Dodandian tatua in inukat kon tampatnea kon bonu in ḷoḷaigan inta pinosindog i Daud sin pogukatan kon Poti tatua. Onda intua ki Daud noposumba in kuruban dodamean kon i Tuhan.

DATU MITA IMITÁNEA 1:23

Bo pinotaaudon kon i datu in kinoangoian i Natan. Ki Batsyeba iḻumuai, bo ki Natan in sinumuot, bo sinumungkud kon tayowon i datu.

DATU MITA IMITÁNEA 1:44

Ki Zadok, ki Natan, Benaya bo moḷukad i datu aindon pinotabá nonakin kon i Salomo. Mosia ain nopotakoi kon inia kon bagal i datu,

DATU MITA IMITÁNEA 1:8

Táe ki Imang Zadok, ki Benaya adí i Yoyada, ki Nabi Natan, ki Simei, ki Rei bo moḷoḷukad kon i Datu Daud in doíbí kon i Adonia.

DATU MITA IMITÁNEA 8:17

Noiduduimai kon tua ki Salomo in nosingog, “Ki amáku ki Daud ain nonomayá kon moposindog in baḷoi pososumbaan kon i Tuhan Allah in Israel.

TAWARIKH 1 14:1

Ki Datu Hiram nongkon butá in Tirus nopotabá in intaunea mita namangoi kon i Daud, poḷat doman nokidia in kayu ḷokuyú in Libanon bo mogogimok mita kon kayu takin bas mita in batu sin moposindog in komaḻig.

TAWARIKH 1 15:1

Ki Daud noposindog in baḷoi mita kon inia kon Kotá i Daud, bo noposadia in tampat potagúan kon Poti Dodandian i Allah bo noposindog in ḷoḷaigan pogukatan kon Poti tatua.

TAWARIKH 1 16:1

Poti Dodandian tatua inukat kon bonu in ḷoḷaigan inta ain sinadia i Daud kon potagúan kon poti tatua. Bo noposumba in mosia kon i Allah in kuruban payongon bo kuruban dodamean.

TAWARIKH 1 17:2

Ki Natan in notubag, “Pomiadon in bayongan inta nobaḻí niat i Tuang Datu sin ki Allah in notuḷungdon kon i Tuang Datu.”

TAWARIKH 1 17:5

Pinangkoipa kon bangusa in israel pinoḷuat-Ku nongkon Mesir dapot in tanaa, diápa kon dodai in onda in Akuoi in nogutun kon bonu in baḷoi tobatú. Umuranbí in Akuoi modondaḷoi bo mogutun kon ḷoḷaigan tobatú.

TAWARIKH 1 22:6

Ki Daud in nogoiní kon i adínea ḷoḷaki, ki Salomo, bo nomarenta kon inia moposindog in Baḷoi kon i Tuhan Allah inta sinumba in umat in Israel.

TAWARIKH 1 22:7

Guman i Daud kon i Salomo, “Adíku, noonggotdon in akuoi nokoiniat moposindog in baḷoi tobatú sin mohoromat kon i Tuhan Allahku.

TAWARIKH 1 28:2

Ki Daud in sinimindog kon tayowon monia bo noguman, “Utatku mita inta tongobangusaku, indongogaipa! Noonggotdon in niatku moposindog in baḷoi tobatú sin potagúan kon Poti Dodandian, pomomuntukan i Tuhan Allah naton. Akuoi in nosadiadon kon moposindog in baḷoi tobatú tampat pososumbaan kon i-Nia.

TAWARIKH 1 29:29

Kinobiagan i Daud nongkon pinomangkoian noidapot kon imbuitnea ain pinais kon bonu in buk Nabi Samuel, Nabi Natan bo Nabi Gad.

TAWARIKH 2 1:4

Táe Poti Dodandian i Tuhan in kon Yerusalem kon bonu in ḷoḷaigan inta pinosindog i Datu Daud sin potagúan kon Poti tatua kon dodai in pinampingnea nongkon Kiryat-Yearim.)

MAZMUR 132:5

kon dodai in diápa moposadia in baḷoi kon i Allah i Yakub, pogogutunan i Tuhan Inta Totok in moropot.”

IḶUAIAN 26:1

“Pomiadon kon ḷoḷaigan Kon sigad in ḷoḷaigan mopuḷú tatua pomia doman kon i-Nakó in ḷoḷaigan inta nongkon kaeng linen moaḷus tatua, sujion takin kaeng wol nobidu, nokamumu bo nopura. Poposuji doman moyotakin in gambar in kerub.

YEREMIA 22:15

Indongogaidon, ei Datu Yoyakim! Aka iko moposindog in komaḻig mopomaké in kayu ḷokuyú in Libanon inta totok in mopia, yo degá tua in nobaḻí tomponuot kon iko in mopia-pia nongkon bayongan in datu ibanea? Tungkuḷaika torop in ki amámu: Sia in nokonanamdon kon kobiagan motompia bo nokodapot kon bayongan in inta iḷongasinea, popisí in sia in umuran motuḻid bo mojujur bo monisig kon pelekara in intau bogá pongin aid moadil. Memang mustibí natua in aid in intau inta nonotaau kon i Tuhan.

DANIEL 4:4

Akuoi in nogutun bo nobiag takin notompia kon bonu in komaḻigku bo nobiag nooyúon totok.

HAGAI 1:4

“Ei umat-Ku, degá orasneadon kon inimu in mogutun kon baḷoi inta moropot bo motorindog, bokaka Baḷoi-Ku in apugpa doman mako?

HAGAI 1:9

Moiko in mongamang mako kon bungai in boyó mobayong totok, táe nouḻí magí in tongábí topiḻik; bo dinia monimu kon baḷoi, táe bungai in boyómu tatua in inirup-Ku, dá nodait dinia in tompot. Nongonu sin inaidan-Ku intua? Tubagnea in nanaa: Popisí in Baḷoi-Ku umuranpa noton apug mako, bo moiko komintan in moḷongasidon moposindog in baḷoinea-baḷoinea.

OUMAN IN RASUL MITA 7:46

Ki Daud in totok kinosanang in gina i Allah nodapot nopoigum in sia sinbá ogoi-Nea moposindog in Baḷoi-Nea. Baḷoi i Allah inta sinumba i Yakub tatua.