TAWARIKH 1 16:9 - Alkitab Singog In Mongondow Masa In Tanaa

⁹ Podondongdon in dodayow kon i Tuhan, oumandon in bayongan inta inaidan-Nea inta mokoherang.

TAWARIKH 1 16:9 ပူးပေါင်းရင်းမြစ်များ

TAWARIKH 1 16:10

Siabí in ki Tuhan inta tuḷong; koḷungangadon, sin kita naa Siabí in kitogi; bayongan inta mosumba kon i-Nia in koḷungangadon.

TAWARIKH 1 16:24

Oumandon in kamuliaan-Nea kon bangusa mita, bo bayongan inta inaidan-Nea inta motoyang kon umat intau naa.

TAWARIKH 1 16:8

Posukurdon kon i Tuhan, potaaudon in kamuliaan-Nea, oumandon in oaidan-Nea kon sigad in bangusa mita.

AYUB 36:24

Sia in umuran dinayow popisí in aid-Nea, bo iko in mustibí doman moduí kon i-Nia.

MAZMUR 145:12

sinbá bayongan in intau monotaau kon aid-Mu inta moḷoben, takin dodatuan-Mu inta momulia bo motaingkat.

MAZMUR 40:10

Kon bonu in poyosipunan in umat-Mu potaauku in habar mokosanang kon Iko in noposaḷamatdon kon inami. Diá mogoga-gogai potaauku intua, kinotaauan-Mubí intua komintan, o Tuhan.

MAZMUR 71:17

O Allah, Iko in notundú kon inakó pinangkoipamai kon akuoi noguodpa, nodapot in tanaa oumanonku in onu inta inaidan-Mu inta mokoherang.

MALEAKHI 3:16

Bo intau mita inta moondok kon i Tuhan in mosigumanan, Ki Tuhan in nokodongog bo nonaridi kon onu inta siningog monia. Intau mita inta nohoromat kon i-Nia bo inta notoguondok kon i-Nia, pinais in tangoinea kon bonu in buk pomomaisan inta kon tayowon-Nea.

MATIUS 26:30

Nopaḷut mako, mosia nopodondong in dondong dodayow. Bo nopaḷut mako kon tua mosia in notakodon kon Buḷud in Zaitun.

EPESUS 5:19

Pakédon in singog mita inta nongkon Mazmur, dondong inta pinodayow kon i Allah bo dondong rohani, kon wakutu in moiko moyosingog. Kosanang in gina bo mopodondong in dodayow kon i Tuhan.

KOLOSE 3:16

Umuran kon gina-gina mako in totundú mita i Kristus inta mobarakat tua, sahingga moiko in mobijaksana bo mopandoi in motundú bo mononggina kon utat mita. Dika mokoḻiong in mopodondong in Mazmur bo dondong mita rohani; podondongdon kon i Allah takin porasaan mosukur kon bonu in ginamu.

YAKOBUS 5:13

Aka kon sigad monimu oyúon in kinoantugan in roriga, yo musti in sia mosambayang. Aka oyúon in moḷunganga, yo musti in sia modondong modayow kon i Allah.