TAWARIKH 1 16:8 - Alkitab Singog In Mongondow Masa In Tanaa

⁸ Posukurdon kon i Tuhan, potaaudon in kamuliaan-Nea, oumandon in oaidan-Nea kon sigad in bangusa mita.

TAWARIKH 1 16:8 ပူးပေါင်းရင်းမြစ်များ

DATU MITA IMITÁNEA 8:43

yo igumon mako in nongkon tampat-Mu kon soroga moibogpa in Iko mokidongog kon sambayangnea bo mobogoipa doman kon onu inta pinoigumnea. Pongin natua dá bayongan in bangusa kon dunia naa in monotaaudon kon ini-Mu bo motoindudui kon ini-Mu ná umat-Mu Israel. Kotaauandon monia kon baḷoi inta pinosindogku tanaa in tampatbí pososumbaan kon ini-Mu.

DATU MITA 2 19:19

O Tuhan, Allah nami, poḷuatdon in kami nongkon intau mita in Asyur tatua, sinbá bayongan in intau kon dunia in monotaaudon kon tongábí Iko tontaní in Allah.”

TAWARIKH 1 16:34

Posukurdon kon i Tuhan sin mopia in Sia; tabi-Nea in mononoi.

MAZMUR 118:1

Posukurdon kon i Tuhan sin Sia in mopia, tabi-Nea in mononoi.

YESAYA 12:4

Moiangoibí in wakutunea moiko in moguman, “Posukurdon kon i Tuhan, bo sumbadon in Sia. Potaaudon kon bangusa mita koagungan bo bayongan in inta inaidan-Nea.

YEREMIA 33:11

Táe kon tampat mita tatua in kodongoganbí bui in singog ḷunganga bo pia in gina takin dowawá in ponikaan. Kodongoganbí doman in dondong in intau mita inta nodia kon kuruban sukur kon Baḷoi-Ku. Mosia in mogumanbí, ‘Posukurdon kon i Tuhan Inta Totok in mokawasa, sin mopia in Sia bo tabi-Nea in mononoi.’ Butá tanaa in baḻíon-Kubí mobiag motompia ná dungkuḷ. Akuoi, ki Tuhan, ain noguman.”

OUMAN IN RASUL MITA 9:14

Bo tanaa in sia in namangoi domandon naa sin inogoiandon doman i imang mita itoi in kasampatan modomok kon bayongan intau inta mopirisaya kon ini-Mu.”