TAWARIKH 1 16:5 - Alkitab Singog In Mongondow Masa In Tanaa

⁵ Ki Asap in piniḻí nobaḻí itoi inta tongguḷu totok bo ki Zakharia in oḻitnea. Ki Yeiel, ki Semiramot, ki Yehiel, ki Matica, ki Eliab, ki Benaya, ki Obed Edom bo ki Yeiel in pinoki gogitogan in kecapi. Ki Asap in pinoki bongkugan in Simbal,

TAWARIKH 1 16:5 ပူးပေါင်းရင်းမြစ်များ

SAMUEL 2 6:5

Ki Daud bo bayongan in bangusa Israel minayá kon muna in Poti tatua sindaḷan motayok inimibo-ibogbí bo nodondong sin mohoromat kon i Tuhan. Nopogogitog in mosia in kecapi, gambus, rebana, kelentingan bo simbal.

TAWARIKH 1 16:37

Onda intua ki Datu Daud nonantúdon kon i Asap bo intau mita in Lewi ibanea kon umuran monompia kon soaḷ mita inta noyotogot in ibada kon tampat inta pinotagúan kon Poti Dodandian i Tuhan. Muḷoi in singgai mosia in mustibí mopobayá in oaidan monia kon tua,

TAWARIKH 1 16:4

Ki Daud in noduí kon tongonumai in intau in Lewi sin mopobayá in upacara ibada kon i Tuhan, Allah in Israel, kon tayowon i Poti Dodandian tatua, takin dondong bo dodayow.

TAWARIKH 1 16:6

bo imang doyowa, inta ki Benaya bo ki Yahaziel in sinantúdon tongá mogirup kon torompet kon tayowon in Poti Dodandian tatua.

TAWARIKH 1 6:24

ki Tahat, ki Uriel, ki Uzia, ki Saul.

TAWARIKH 1 6:39

Ki Asap in itoi kon intau mita inta mododondong inta nogindua. Pipidan in pinomuían nongkon ḻimonag pinodamonik nodapot kon i Lewi: Ki Asap, ki Berekhya, ki Simea,

TAWARIKH 2 29:25

Podudui in topotundú mita inta inogoi i Tuhan kon i Daud pinongin i Nabi Gad, inta nogaid kon i datu bo pinongin i Nabi Natan, ki datu in nonampatdon kon intau mita in Lewi kon Baḷoi Tuhan sin mopogogitog in kecapi bo gambus,