TAWARIKH 1 16:35 - Alkitab Singog In Mongondow Masa In Tanaa

³⁵ Singogdon, “Oo Allah, Mopoposaḷamat nami, posaḷamatdon in kami nongkon kawasa in bangusa mita bo sipundon bui in kami sinbá motaaudon in kami mopoyaput in sukur bo modayow kon tangoi-Mu inta motusi!”

TAWARIKH 1 16:35 ပူးပေါင်းရင်းမြစ်များ

MAZMUR 105:45

sinbá umat-Nea tatua in motoindudui kon hukum-Nea mita bo dumudui kon parenta-Nea mita. Dayowdon in ki Tuhan!

MAZMUR 14:7

Igumon mako nongkon Sion mamangoi in kasaḷamatan kon Israel! Dá buí i Yakub in koangoianbí in ḷunganga in gina aka ki Tuhan mopoguḻídon in kobiagan in umat-Nea.

MAZMUR 44:8

Táe Ikobí in noposaḷamat kon inami nongkon musung, bo nonaḷow kon intau mita inta nondoí kon inami.

MAZMUR 53:6

Intau moraat in totokbí in angoian in ondok, bokaka diábí in mokoondok, sin ki Allah in moporaritbí in tuḷan in intau inta nongopung kon i monimu; mosia in kinodoídon i Allah, dá taḷowonbí monimu in mosia.

YESAYA 43:21

Mosiabí tua in bangusa inta binaḻí-Ku kon i-Nakó: sinbá motaau mopotaau in dodayow kon i-Nakó.”

YESAYA 45:25

Táe buí i Yakub in posaḷamatonbí, bo mosia in modayowbí kon i-Nakó, ki Tuhan.

OUMAN IN RASUL MITA 26:17

Tondíon-Ku in iko kon sigad in intau mita in Israel bo intau mita inta deeman Yahudi. Potabá-Ku in iko mayá kon i monia

KORINTUS 1 1:31

Nanaa in pinais kon Buk Motusi, “Intau inta moibog dumodia, maníka in sia dumodia kon onu inta aindon inaidan i Tuhan.”

EPESUS 1:12

Koḻigai in kita inta muna-munamai moharap kon i Kristus, modayow kon i Allah sin oaidan-Nea inta totok in moḷoben!

ULANGAN 30:3

dá ki Tuhan Allahmu in monotabibí kon i monimu. Moiko in diaan-Neabí bui nongkon bangusa mita inta pinoporangkapan kon i monimu, bo bui ogoian in kobiagan motompia.

PETRUS 1 2:5

Moiko nion in batu mita inta nobiag. Tuamai moiko in musti moibog pakéon pobaḷoi kon baḷoi i Allah inta kon soroga. Takin natua moiko in mobaḻí imang mita inta nobiag tongádon kon i Allah, bo inta pinongin i Yesus Kristus noposumba kon i Allah in kuruban inta mokosanang kon gina-Nea.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.