TAWARIKH 1 16:26 - Alkitab Singog In Mongondow Masa In Tanaa

²⁶ Dewa mita in bangusa ibanea in tongábí patong berhala táe ki Tuhan in inta nomaḻí kon toḷungayá naa.

TAWARIKH 1 16:26 ပူးပေါင်းရင်းမြစ်များ

TAWARIKH 1 16:27

Sia in iḻibu in koagungan bo kamuliaan, baḷoi-Nea in nopuḻing in kawasa bo ḷunganga in gina.

AYUB 9:8

Binuká-Nea in toḷungayá bo diábí in notuḷung; iritakan-Nea in ḻikud in naga in dagat.

MAZMUR 102:25

Bo akuoi in noguman, “O Allah dikapa gamáan in nyawaku kon kinotombotakan in kobiaganku.” Tuhan, Iko in mobiag mononoi,

MAZMUR 96:5

Dewa mita in bangusa ibanea in tongábí patong berhala, táe ki Tuhan in nomaḻí kon baḷangon.

YESAYA 40:26

Ḷangagdon kon ḷangit, bo taridika! Ki ine in nomaḻí kon tundi mita? Sia inta nonompia kon i monia naonda bo tontara, kinotaauan-Nea in kobayong monia, bo mogoiní kon batúannea podudui in tangoinea-tangoinea. Diábí tobatúmai in mobuḻi, popisí in moḷoben totok in kawasa i Tuhan!

YESAYA 42:5

Ki Tuhan Allah in nomaḻí bo nosongká kon ḷangit; Sia in nomia kon butá bo bayongan inta nobiag kon tudunea. Sia in nobogoi kon intau in poginaan kobiagan bo nyawa. Sia in nopotaau in koyow tanaa kon mogogundoi-Nea mita,

YESAYA 44:24

Nanaa in guman i Tuhan mopoposaḷamatmu inta nomia kon inimu pinangkoi kon bonupa in sian, “Akuoibí in ki Tuhan inta nomia kon bayongan yagi-yagi, inta tongá aku-akuoi mita in nosongká kon ḷangit, bo diábí in noduḷu nomaḻí kon butá.

IMAMAT 19:4

Dika mosumba kon toḻindua i Tuhan. Dika momia kon patong nongkon logam bo sumbáan monimu. Akuoi in ki Tuhan Allahmu.

OUMAN IN RASUL MITA 19:26

Bo tanaa aindon inontong bo dinongog monimu tontaní onu in inaidan i Paulus. Sia in noguman kon dewa mita inta pinomia intau in deemanbí totu-totuu dewa. Bo nobayongdon totok intau in nopirisaya kon onu in pinogumannea tatua, deeman tongá kon Epesus naa, táe gogiódon bo komintan in Asia naa.

KORINTUS 1 8:4

Yo soaḷ mokaan kon kaanon inta ain pinosumba kon berhala, sabanarnea in kinotaauanbí naton kon berhala tua in diábí onda. Sin kinotaauanbí doman naton kon tongábí tobatú in ki Allah; diábí in ibanea mako.

WAHYU 14:7

Malaekat tatua in nomaḷú noropot totok, nanaa: “Koondokdon kon i Allah, bo pomuliadon in Sia! Sin naadon in wakutu i Allah mohakim kon dunia. Sumbadon in Sia inta ain nomia kon ḷangit, butá dagat bo bayongan in bokaká!”