TAWARIKH 1 16:12 - Alkitab Singog In Mongondow Masa In Tanaa

^12-13 Ei buí i Yakub, mogogundoi i Allah! Ei buí i Israel, umat inta piniḻí-Nea! Toropdon in bayongan inta mokoherang inta inaidan-Nea, dika mokoḻiong kon kaputusan-Nea mita.

TAWARIKH 1 16:12 ပူးပေါင်းရင်းမြစ်များ

TAWARIKH 1 16:14

Ki Tuhan in Allah naton, kaputusan-Nea in popoaid kon sinangkub in dunia.

MAZMUR 103:2

Dayowdon in ki Tuhan, ei dimukudku, dika ḻiongon in bayongan in kopopia-Nea!

MAZMUR 111:4

Ki Tuhan tua in motabi bo mopia in gina, Sia in nogaid kon inta mokotongaw mita, sinbá umuran kotoropan naton intua.

MAZMUR 119:13

Noḷangon in singogku in nopotaau in bayongan in hukum inta inogoi-Mu.

MAZMUR 119:137

Iko in moadil, o Tuhan, bayongan in hukum-Mu in noitongkaná.

MAZMUR 119:20

Monakit in ginaku in monahang kon tanob, akuoi in moibog monotaau kon hukum-Mu pomuḷoi mako.

MAZMUR 119:75

Kinotaauanku kon pinononantú-Mu in moadil o Tuhan, Iko in nohukumdon kon inakó popisí in kososatia-Mu.

MAZMUR 19:9

Atorang i Tuhan tua in noitombutung, mokosanang kon gina. Hukum i Tuhan tua in modarit, mokopomangaḻe kon intau.

MAZMUR 77:11

Bo akuoi in noguman, “Naabí in mokonakit kon ginaku, kon ki Inta Totok in moḷantud diádon nongawasa bui.”

MAZMUR 78:43

kon tungkuḷ in Sia nogaid kon inta mokoherang mita kon Mesir, bo mujizat mita kon rawang in Zoan.

IḶUAIAN 13:14

Aka kon singgai moiduduimai ki adímu moḻibó onu in mangaḻe in tua komintan, yo nanaa in pototubag monimu, ‘Takin kawasa inta moḷoben, ki Tuhan nodia kon i naton iḻumuai nongkon butá in Mesir, tampat pinononggataan kon i naton.

IḶUAIAN 13:3

Ki Musa noguman kon bangusa Israel, “Kon singgai naa ki Tuhan nopoḷuatdon kon i monimu takin kawasa-Nea inta moḷoben, nodapot in moiko nokoḷuaidon nongkon Mesir, tampat pinononggataan kon i monimu. Tuamai, tanobdon in singgai tanaa. Donaaidon mokaan kon roti inta iragian.

SURAT I PAULUS KON JAMAAT RUM 11:33

Totuu motoyang tabi i Allah! Totuu doman moḷoben in kabijaksanaan bo pongotahuan-Nea! Ki inebí in mokotaridi kon kaputusan-Nea mita tatua? Ki ine doman in momangarti kon pogogaid-Nea?

WAHYU 16:7

Bo dinongogku in singog nongkon meja pototuduan kon sosumba in noguman, “Tuhan, Allah inta Totok in Mokawasa, mobanar bo moadilbí in hukuman mita inta pinoḷabú-Mu!”

WAHYU 19:2

Sin pohohakim-Nea in moadil bo mobijaksana! Sia ain nopoḷabú in hukuman kon sundaḷ moḷoben, inta nomoguyaat kon dunia naa takin aidnea inta mokotor. Ki Allah ain nohukum kon sundaḷ tatua, sin sia in noḻimod kon intau mita inta nogaid kon oaidan i Allah.”