TAWARIKH 1 16:1 - Alkitab Singog In Mongondow Masa In Tanaa

¹ Poti Dodandian tatua inukat kon bonu in ḷoḷaigan inta ain sinadia i Daud kon potagúan kon poti tatua. Bo noposumba in mosia kon i Allah in kuruban payongon bo kuruban dodamean.

TAWARIKH 1 16:1 ပူးပေါင်းရင်းမြစ်များ

DATU MITA IMITÁNEA 3:15

Naonda in nobangon, nosadardon in ki Salomo kon ki Allah ain nosingog kon inia kon bonu in togoindop. Dá nobuidon in sia kon Yerusalem bo sinimindog kon tayowon in Poti Dodandian i Tuhan bo noposumba in kuruban payongon bo kuruban dodamean. Onda intua nomia in sia kon rame kon bayongan in pogawainea.

DATU MITA IMITÁNEA 8:62

Nopaḷut mako kon tua ki Datu Salomo bo bayongan in intau inta nosipun kon tua noposumba in kuruban kon i Tuhan.

TAWARIKH 1 15:1

Ki Daud noposindog in baḷoi mita kon inia kon Kotá i Daud, bo noposadia in tampat potagúan kon Poti Dodandian i Allah bo noposindog in ḷoḷaigan pogukatan kon Poti tatua.

TAWARIKH 1 15:12

Guman i Daud kon i monia, “Moiko in itoi in inanakan kon bonu in suku Lewi. Tuamai, musti in moiko bo intau mita in Lewi ibanea mopotusi in awak sinbá motaau momamping kon Poti Dodandian i Tuhan, Allah in Israel, kon tampat inta ain sinadiaku.

TAWARIKH 1 15:3

Dá ki Daud in nogoiní kon bayongan in intau Israel namangoi kon Yerusalem sin momamping kon Poti Dodandian i Tuhan pobayá in tampat inta ain sinadianea.

TAWARIKH 1 16:2

Naonda in ki Daud nopaḷut noposumba in kuruban mita tatua, nomarakat in sia kon rayat pinodoyon kon tangoi i Tuhan,

TAWARIKH 1 6:16

Ki Lewi in kogadí kon adí ḷoḷaki toḷu, inta ki Gerson, ki Kehat bo ki Merari.

TAWARIKH 2 1:4

Táe Poti Dodandian i Tuhan in kon Yerusalem kon bonu in ḷoḷaigan inta pinosindog i Datu Daud sin potagúan kon Poti tatua kon dodai in pinampingnea nongkon Kiryat-Yearim.)

MAZMUR 132:8

Angoidon bo pogutundon kon Baḷoi-Mu, o Tuhan, moyotakin in Poti Dodandian, tomponuot in kawasa-Mu.

IMAMAT 3:9

Aka pakéon kuruban dodamean kon i Tuhan, dá musti in ki imang moposumba in naa: ḷongó in domba tatua, iputnea takin ḷongónea inta pinongkó dapot in tuḷan nonoyannea, ḷongó inta noibakut kon bonu in siannea,