TAWARIKH 1 15:23 - Alkitab Singog In Mongondow Masa In Tanaa

^23-24 Ki Berekhya bo ki Elkana takin i Obed-Edom bo ki Yehia in piniḻí nobaḻí moḷoḷukad kon Poti Dodandian i Tuhan. Imang mita moiduduimai naa: ki Sebanya, ki Yosapat, ki Netaneel, ki Amasai, ki Zakharia, ki Benaya bo ki Eleazer in piniḻí sin moposingog in torompet kon tayowon in Poti tatua.

TAWARIKH 1 15:23 ပူးပေါင်းရင်းမြစ်များ

DATU MITA 2 25:18

Koḻikud intua, ki Nebuzaradan in nodomok doman kon i Imang Moḷoben ki Seraya, ki Zepanya imang mototongod kon oaidan, moḷoḷukad kon ngara in Baḷoi Tuhan taya toḷu, monononggina i datu taya ḻima inta kon kotápa, tongguḷu totok in tontara, toḻindua in tongguḷu totok in tontara inta monoinutmai kon administrasi in tontara, bo intau moḷoben 60 ibanea.

DATU MITA 2 7:10

Tuamai in nobuidon in mosia kon Samaria bo nomaḷú kon moḷoḷukad kon bonawang in kotá, “Minayádon in kami kon pinononḷoḷaigan in intau in Siria, bo noniata magí diá bidon in intau in kon tua. Kabaḷo bo keledai monia kinobayáanmai nami in noitogotpabí mako kon pototogotannea, bo ḷoḷaigan mita in tongádon sinaḷáan mako natua.”

TAWARIKH 1 15:22

Ki Kenanya in piniḻí sin mobaḻí tongguḷu in intau mita inta mopogogitog in musik nongkon suku Lewi, sin sia in totok in motaau in musik.

MAZMUR 84:10

Barakataipa kaasí in datu nami, o Allah, ḷukadaidon in intau inta ain piniḻí-Mu.

SAMUEL 1 3:15

Nopaḷut mako kon tua ki Samuel nosiugdon bui, bo naonda in doḷo-doḷom nobangon in sia bo nomukat kon ḷoḻingkop mita in Baḷoi i Tuhan. Moondok in sia in mopotaau kon i Eli kon onu inta inontongnea tatua,