TAWARIKH 1 15:2 - Alkitab Singog In Mongondow Masa In Tanaa

² Ki Daud noguman, “Tongábí intau in Lewi in motaau mobuat kon Poti Dodandian i Tuhan, sin mosiabí tua inta piniḻí i Tuhan momotaan kon Poti tatua bo mogundoi kon i-Nia moidapot in mononoi.”

TAWARIKH 1 15:2 ပူးပေါင်းရင်းမြစ်များ

SAMUEL 2 6:13

Naonda in intau mita inta nobuat kon Poti Dodandian tatua aindon onom noḷangkad in binayáan, pinoki gogaianpa i Daud in mosia. Bo noposumba in sia in kuruban kon i Tuhan, sosumbanea tua in sapi koḷakian bo ki adí in sapi inta iḷongóan.

TAWARIKH 2 35:3

Intau mita in Lewi inta ain sinantú mogaid kon oaidan i Tuhan, bo inta nobaḻí guru mita in Israel in nokouḻí kon parenta tanaa nongkon i Yosia, “Ukatdon in Poti Dodandian i Tuhan inta motusi tatua kon bonu in Baḷoi Tuhan inta pinosindog i Datu Salomo ki adí ḷoḷaki i Daud. Dikadon pampi-pampingon monimu bui. Undoidon in ki Tuhan Allahmu bo bangusa in Israel umat-Nea.

IḶUAIAN 25:14

bo pobonu in kayu pomomotaanan tatua kon ḻingkit mita tatua inta kon sí in poti tatua.

YESAYA 66:21

Tongosilai in kon sigad monia in baḻíon-Ku imang bo intau in Lewi.

PINOGIAPAN 3:6

“Potabádon in suku Lewi mamangoi tumayow, bo piḻídon in mosia mobaḻí intau mita inta mobantung kon i imang Harun.

PINOGIAPAN 3:9

Nongkon bangusa Israel tatua, tongábí suku i Lewi in pokiaidan-Ku in oaidan tatua sin mobantung kon i Harun bo buínea.

PINOGIAPAN 7:9

Táe intau mita i Kehat in diábí inogoian i Musa in roda bo sapi, sin pakakat mita motusi inta kon bonu in totaau monia, mustibí potaanon monia.

ULANGAN 10:8

Kon buḷud tatua Ki Tuhan nopotondí in suku Lewi sin moindoi bo monompia kon Poti Dodandian bo mogundoi kon i Tuhan, bo mosingog kon barakat podoyon kon tangoi-Nea. Tuata in oaidan monia modapot kon tanaa mako.

ULANGAN 31:9

Bo ki Musa nomais kon hukum i Tuhan Allah bo nobogoi kon imang mita in Lewi inta pinoki aidan monompia kon Poti Dodandian, bo kon itoi mita in Israel.

YOSUA 3:3

bo nopotaau in parenta tanaa kon umat in Israel, “Aka ontongon monimu kon imang mita momotaandon kon Poti Dodandian i Tuhan Allahmu, yo moiko in mobuat domandon monaḷámai kon tampat pinononḷoḷaigan tanaa. Duduidon kon Poti tatua,

YOSUA 6:6

Dá ki Yosua in nogoiní kon imang mita, bo noguman, “Buatdon in Poti Dodandian tatua; pitu nongkon sigad monimu in musti mayá kon munanea kodia-dia in torompet.”