TAWARIKH 1 15:16 - Alkitab Singog In Mongondow Masa In Tanaa

¹⁶ Ki Daud in nopotabá doman kon itoi mita in intau mita in Lewi tatua sinbá mopotabá kon tongonumai in intau nongkon suku monia sin mopodondong bo mopogogitog in dondong mita pia in gina takin kecapi bo simbal.

TAWARIKH 1 15:16 ပူးပေါင်းရင်းမြစ်များ

TAWARIKH 1 13:8

bo ki Daud takin bangusa in Israel notayok bo nodondong takin pia totok in gina, sin mohoromat kon i Allah bo sinakinan in kecapi, rebana, simbal bo torompet.

TAWARIKH 1 15:12

Guman i Daud kon i monia, “Moiko in itoi in inanakan kon bonu in suku Lewi. Tuamai, musti in moiko bo intau mita in Lewi ibanea mopotusi in awak sinbá motaau momamping kon Poti Dodandian i Tuhan, Allah in Israel, kon tampat inta ain sinadiaku.

TAWARIKH 1 16:42

Ki Heman bo ki Yedutum in mogirup doman kon torompet, simbal bo pakakat in musik ibanea inta pinogogitog sin monakin kon dondong mita dodayow. Intau mita in inanakan i Yedutun in pinoki ḷukadan in bonawang mita.

TAWARIKH 1 16:5

Ki Asap in piniḻí nobaḻí itoi inta tongguḷu totok bo ki Zakharia in oḻitnea. Ki Yeiel, ki Semiramot, ki Yehiel, ki Matica, ki Eliab, ki Benaya, ki Obed Edom bo ki Yeiel in pinoki gogitogan in kecapi. Ki Asap in pinoki bongkugan in Simbal,

TAWARIKH 1 23:5

4.000 in moḷoḷukad, bo 4.000 doman in modayow kon i Tuhan mopomaké in pakakat mita in musik inta ain sinadia.

TAWARIKH 1 6:16

Ki Lewi in kogadí kon adí ḷoḷaki toḷu, inta ki Gerson, ki Kehat bo ki Merari.

TAWARIKH 2 20:19

Bo intau mita in Lewi nongkon inanakan i Kehat bo i Korah sinimindog, bo nodayow kon i Tuhan, Allah in Israel.

TAWARIKH 2 30:12

Kon Yohuda ki Allah in nogaid doman bo noponobatú kon gina in rayat sinbá totu-totuu motoindudui kon ibog i Allah pongin dumudui kon parenta i datu bo in pogawainea mita.

TAWARIKH 2 7:6

Imang mita sinimindog kon tampat inta ain sinantú kon i monia; noyogintayow in intau in Lewi inta nodayow kon i Tuhan nomaké in pakakat mita in musik inta pinomia i Datu Daud, sindaḷan nopodondong in dondong “Tabi-Nea in mononoi!” Pinodudui kon onu inta pinoguman i Daud. Imang mita in nogirup kon torompet bo bayongan in rayat in simindog.

NEHEMIA 12:27

Naonda in dinding Yerusalem sinoguḷapatandon, intau mita in Lewi in inoiní nongkon bayongan in tampat pinogutunan monia, sinbá dumudui moporame kon tua takin dondong sukur monia mopomaké in musik in gambus bo kecapi.

NEHEMIA 12:36

Kon tuminea dumuduianmai in agat mita nongkon inanakannea, ki Semaya, ki Azareel, ki Milalai, ki Gilalai, ki Maai, ki Netaneel, ki Yohuda bo ki Hanani. Mosia komintan in nodia kon pakakat mita in musik notongkai ná inta pinogogitog i Datu Daud, mogogundoi i Allah tua. Ki Imang Ezra inta nonotaau totok in Hukum i Allah tua, in minayá kon muna in pipidan tatua.

NEHEMIA 12:43

Kon singgai tatua nobayong in kuruban inta pinosumba kon i Tuhan. Rayat noḷunganga in gina sin binaḻídon i Allah in mosia nopia in gina. Bobay mita bo mongo adí mita in sinumakin doman norame, bo singog monia inta moḷunganga tua in kinodongogan noidapot in moyayú.

NEHEMIA 12:46

Pinangkoi kon i Datu Daud bo ki Asap inta monotaau totok kon musik, intau mita mododondong ain nopodondong in dondong dodayow sukur kon i Allah.

MAZMUR 100:1

Mazmur kon pobogoian kon kuruban sukur. Porogiowdon kon i Tuhan, ei bayongan in butá!

MAZMUR 149:3

Dayowdon in tangoi-Nea pongin tayok mita, dayowdon in Sia in kecapi bo rebana!

MAZMUR 150:5

Dayowdon in Sia in ceracap inta modorasing, dayow in Sia in canang inta moḷangon.

MAZMUR 81:1

Kon i itoi in mododondong. Podudui in dondong: Gitit. Nongkon i Asap.

MAZMUR 81:3

Tobogdon in rebana, pododondongdon in dondong, kutidon in gambus bo kecapi kopiaan.

MAZMUR 87:7

Mosia in motayok bo mopodondongbí, “Sion in ḻipú kinoḷontaganku!”

MAZMUR 95:1

Koḻigai in kita modondong kon i Tuhan, moronggiow kon i Mopoposaḷamat naton!

IḶUAIAN 15:20

Bo ki Miryam, nabi bobay tobatú, ki guya-guyang i Harun, nogamá kon rebananea, bo bayongan bobay dinumudui notobog kon rebana sindaḷan notayok.

YESAYA 49:23

Datu mita in naondadon bo ki amámu, bo bokí mita in nobaḻí ki inámu. Mosia in tumungkudbí mohoromat kon inimu bo tumonsiup kon inimu. Dá kotaauanmudon kon Akuoi in ki Tuhan; intau inta inumandoḷ kon i-Nakó in diábí pokuyangon in gina.”

YEREMIA 33:11

Táe kon tampat mita tatua in kodongoganbí bui in singog ḷunganga bo pia in gina takin dowawá in ponikaan. Kodongoganbí doman in dondong in intau mita inta nodia kon kuruban sukur kon Baḷoi-Ku. Mosia in mogumanbí, ‘Posukurdon kon i Tuhan Inta Totok in mokawasa, sin mopia in Sia bo tabi-Nea in mononoi.’ Butá tanaa in baḻíon-Kubí mobiag motompia ná dungkuḷ. Akuoi, ki Tuhan, ain noguman.”

AMOS 6:5

Mopia in gina monimu in momia kon dondong, ná inta inaidan i Daud, bo moiko in mopodondong in dondong tatua takinan in kecapi.

OUMAN IN RASUL MITA 14:23

Pomuḷoi in jamaat pinomiḻíandon i Paulus bo i Barnabas kon intau mita inta baḻíon itoi in jamaat tatua. Sinambayangan monia poḷat pinopuasaan bo pinosarakan monia kon i Tuhan inta pinirisaya monia tua.

TIMOTIUS 2 2:2

Onu inta ain dinongogmu sinundúku kon tayowon intau moantó, yo pokiaid intua kon intau mita inta motaau pirisayaan bo inta mongopandoi motundú kon intau ibanea.

TITUS 1:5

Uḻe Titus, sinuodkubí sinaḷáan in iko kon Kreta sinbá mopoyotutui kon onu inta paraḷupa poyotutuion. Ná doman tua, bá iko in momiḻídon kon intau mita inta motaau baḻíon itoi kon bonu in jamaat inta kon kotá-kotáannea. Umurai tarukira in singogku mita tanaa: