TAWARIKH 1 15:15 - Alkitab Singog In Mongondow Masa In Tanaa

¹⁵ Bo kon dodai in Poti tatua pinamping, mosia in nomotaan takin kayu pobobuḻigan podudui in atorang inta inogoi i Tuhan kon i Musa.

TAWARIKH 1 15:15 ပူးပေါင်းရင်းမြစ်များ

SAMUEL 2 6:12

Dinongogdon i Datu Daud kon ki Tuhan in nomarakatdon kon motoḷuadí i Obed-Edom takin bayongan in kapunyaannea popisí in Poti Dodandian tatua. Dá minayádon in sia kon baḷoi i Obed-Edom, nogamá kon Poti Dodandian tatua sin pampingon kon Yerusalem takin pia in gina.

SAMUEL 2 6:13

Naonda in intau mita inta nobuat kon Poti Dodandian tatua aindon onom noḷangkad in binayáan, pinoki gogaianpa i Daud in mosia. Bo noposumba in sia in kuruban kon i Tuhan, sosumbanea tua in sapi koḷakian bo ki adí in sapi inta iḷongóan.

DATU MITA IMITÁNEA 8:8

Kayu pononombuḻigan tatua totuu mobanat, dá popodnea mita in koontongan nongkon tayowon in Yuang Totok Motusi. (Umaai naa umuranpabí kon tua in kayu mita tatua.)

TAWARIKH 1 13:10

Kon dodai doman intua ki Tuhan sinumorú kon i Uza sin aidnea tatua in naonda bo mopoompámai kon i Tuhan. Bo iḻimod-Nea kon tua in ki Uza. Dá nongkon dodaidon intua tampat tatua sinangoian “Peres-Uza”. Ki Daud in sinumorú sin ki Tuhan noyopú kon i Uza.

TAWARIKH 2 5:9

Kayu tombuḻigan tatua in noḷanggó totok, dá popodnea mita in koontongan nongkon Yuang Totok Motusi, táe diá koontongan nongkon ḷuai. (Dapot in singgai naa kayu mita tatua in kon tuapabí doman.)

IḶUAIAN 40:20

Onda intua batu doyowa tatua pinobonunea kon bonu in Poti Dodandian. Bo ki Musa nopotaḷobdon in taḷob in Poti tatua bo pinoḷutudneadon in kayu tombuḻigannea kon bonu in ḻingkitnea.

PINOGIAPAN 4:15

Ki Tuhan noguman kon i Musa bo kon i Harun, “Kon dodai in moiko mongokai kon ḷoḷaigan, ki Harun bo ki adínea mita musti tumuot kon bonu in ḷoḷaigan-Ku bo mongoḷob kon bayongan in pakakat bo touḷutnea mita inta kon tua. Bo mopaḷut mako kon tua, intau mita i Kehat motaaudon mamangoi bo mogamá kon tua. Táe mosia in diábí motaau moindoi, dimiug andeka moḻiai kon pakakat mita tatua, sin aindon sinondí kon i-Nakó. Aka aidan doman monia intua, yo matoi in mosia. Dá, bá intau mita in Kehat tatua diá moyopú nongkon sigad in suku Lewi, dá ki Harun bo ki adínea mita in musti monantú kon onu in motaau diaan monia kon batúannea. Tuata in oaidan intau in Kehat kon dodai in Ḷoḷaigan-Ku pampingon. Ki Eleazar, adí i Harun, in kitogi totaau kon bayongan Ḷoḷaigan-Ku, ḷana in togá, dupa, kuruban gandum inta baḻíon kuruban oḷudon, ḷana upacara bo bayongan inta kon bonu in Ḷoḷaigan-Ku tatua.”

PINOGIAPAN 7:9

Táe intau mita i Kehat in diábí inogoian i Musa in roda bo sapi, sin pakakat mita motusi inta kon bonu in totaau monia, mustibí potaanon monia.

ULANGAN 10:8

Kon buḷud tatua Ki Tuhan nopotondí in suku Lewi sin moindoi bo monompia kon Poti Dodandian bo mogundoi kon i Tuhan, bo mosingog kon barakat podoyon kon tangoi-Nea. Tuata in oaidan monia modapot kon tanaa mako.