TAWARIKH 1 15:12 - Alkitab Singog In Mongondow Masa In Tanaa

¹² Guman i Daud kon i monia, “Moiko in itoi in inanakan kon bonu in suku Lewi. Tuamai, musti in moiko bo intau mita in Lewi ibanea mopotusi in awak sinbá motaau momamping kon Poti Dodandian i Tuhan, Allah in Israel, kon tampat inta ain sinadiaku.

TAWARIKH 1 15:12 ပူးပေါင်းရင်းမြစ်များ

TAWARIKH 1 15:1

Ki Daud noposindog in baḷoi mita kon inia kon Kotá i Daud, bo noposadia in tampat potagúan kon Poti Dodandian i Allah bo noposindog in ḷoḷaigan pogukatan kon Poti tatua.

TAWARIKH 1 15:14

Dá imang mita bo intau in Lewi nopotusidon in awak sinbá motaaudon momamping kon Poti Dodandian i Tuhan, Allah in Israel.

TAWARIKH 1 15:3

Dá ki Daud in nogoiní kon bayongan in intau Israel namangoi kon Yerusalem sin momamping kon Poti Dodandian i Tuhan pobayá in tampat inta ain sinadianea.

TAWARIKH 1 16:1

Poti Dodandian tatua inukat kon bonu in ḷoḷaigan inta ain sinadia i Daud kon potagúan kon poti tatua. Bo noposumba in mosia kon i Allah in kuruban payongon bo kuruban dodamean.

TAWARIKH 1 24:31

Kon dodai in mosia mopobayá in oaidan monia, kon batúan in tongguḷu in motoḷuadí takin ki ai-ainea tobatú inta ḷoḷaki morabut kon undi ná inta inaidan in ginaḷum monia, inta imang mita buí i Harun. Porabutan kon undi tatua inindoian mako i Datu Daud takin i Zadok, i Ahimelek bo tongguḷu mita in motoḷuadí nongkon golongan in imang mita bo nongkon golongan in intau in Lewi.

TAWARIKH 1 9:34

Intau mita inta sinangoi mita tua in tongguḷu mita in motoḷuadí in Lewi podudui in pipidan in buí monia. Mosia in itoi mita inta nogutun kon Yerusalem.

TAWARIKH 2 1:2

Bayongan tongguḷu in tontara 1.000 bo 100, bayongan pojabat in pomarenta, bo bayongan tongguḷu in motoḷuadí in Israel pinarentaan i Datu Salomo

TAWARIKH 2 1:4

Táe Poti Dodandian i Tuhan in kon Yerusalem kon bonu in ḷoḷaigan inta pinosindog i Datu Daud sin potagúan kon Poti tatua kon dodai in pinampingnea nongkon Kiryat-Yearim.)

TAWARIKH 2 30:15

Kon singgai impuḷú bo opat buḷan tatua mosia in noratá kon domba mita sin posumba nobaḻí kuruban in Paska. Imang mita bo intau mita in Lewi inta nonajispa, nooyádon totok. Mosia in nopotusidon in awak dá notaaudon moposumba in kuruban payongon kon Baḷoi Tuhan.

TAWARIKH 2 35:6

Moiko in mustibí moratá kon domba sin pakéon kon poramean kon Paska. Tuamai posadiadon in iko sinbá patus in mosumba kon i Tuhan, bo sadiadon doman in kuruban mita inta musti posumba monimu kon i Tuhan, sinbá intau mita in Israel inta ibanea motaaudon mopobayá in onu inta pinarenta i Tuhan pinongin i Musa.”

TAWARIKH 2 5:11

Bayongan in imang inta kon tua, nongkon bayongan in kolompó, ain nosadia sin momia kon upacara tatua. Bayongan in mododondong bo intau inta mopogogitog in musik kon bonu in suku i Lewi, inta ki Asap, ki Heman, ki Yedutun bo bayongan in inanakan monia, nomaké in ḷambung nongkon kaeng in lenan. Intau mita in Lewi mita tatua sinimindog kon dotá in pomukaan kon mezbah kokadai-kadai in simbal bo kecapi. Noyotakin monia 120 in imang inta nogirup kon torompet. Dondong in mododondong noyobamban in singog in musik torompet, simbal bo pakakat in musik ibanea mako. Naa in singog pinodondong monia kon i Tuhan: “Dayowdon in ki Tuhan, sin mopia in Sia. Tabi-Nea in mononoi.” Kon tungkuḷ in imang mita iḻumuai nongkon Baḷoi Tuhan, daḻídon in baḷoi tatua nopuḻing in sindar kino angoian i Tuhan, dá diádon in mosia nongingguput kon upacara ibada.

TAWARIKH 2 5:2

Nopaḷut mako kon tua ki Datu Salomo nopotabá in bayongan itoi in suku bo inanakan nongkon bangusa in Israel noyosipun kon Yerusalem sin momamping kon Poti Dodandian i Tuhan nongkon Sion, kotá i Daud kon Baḷoi Tuhan.

NEHEMIA 13:22

Bo intau mita in Lewi pinoki aidanku in upacara pondaritan kon awak bo noḷukad kon bonawang mita sin moḷukad sinbá intau mita mohoromat kon singgai in Sabat. Nosambayang in akuoi, “Oo Allah, toropa in akuoi sin soaḷ tatua doman, bo kotabipa in akuoi podudui in tabi-Mu inta moḷoben.”

YESAYA 52:11

Bayádon! Taḷaaidon in kotá in Babel, ei moiko inta nodia kon pakakat mita in Baḷoi i Allah! Dikadon moḻiai kon pakakat inta nonajis: potusidon in awakmu kon dodai in diápa mobuat.

YEHEZKIEL 48:11

Butá inta ain sinantú tatua in mobaḻíbí kapunyaan in imang mita buí i Zadok. Mosia in nogundoidon kon i Tuhan takin noḻimbatú in gina diá ná intau in Lewi inta tongosuku monia, inta noitakin nomia kon dosa noyotakin in intau mita in Israel ibanea.

YOHANES 17:17

Baḻí in mosia tongá kapunyaan i Amá pongin inta mobanar. Pirman i Allah tuata in mobanar.