TAWARIKH 1 14:15 - Alkitab Singog In Mongondow Masa In Tanaa

¹⁵ Aka kodongoganmu in singog inta naonda bo singog in sapatu in intau inta kon ḷuntung mita in kayu, dá bayádon poparang sin Akuoi in mayábí kon munamu sin monaḷow kon tontara in Pilistin.”

TAWARIKH 1 14:15 ပူးပေါင်းရင်းမြစ်များ

SAMUEL 2 5:23

Komintanpa doman bui in ki Daud nopoigum in topotundú kon i Tuhan. Tubag i Tuhan, “Dika monubu kon i monia nongkon naa, táe bayádon poḻibu bo tubudon in mosia nongkon tumi, kon diug in pangkoi mita in murbei.

DATU MITA 2 19:7

Baḻíonbí i Tuhan in ki datu Asyur tua mokidongog kon habar in tompot dá mobuidon in sia kon butánea tontaní, bo ḻimodon in sia kon tua.”

DATU MITA 2 7:6

Sin, ain binaḻí i Tuhan intau mita in Siria nokodongog kon singog naonda bo ponubuan in paanan in tontara inta mobarong totok inta sinumakoi kon kabaḷo bo kereta. Intau mita in Siria tua in norai kon ki datu in Israel ain nonondan kon i datu in Het bo Mesir takin tontaranea sin monubu kon i monia.

TAWARIKH 1 14:14

Komintanpa doman bui in ki Daud nopoigum in topotundú i Allah, bo sinubagan i Allah, “Dika monubu kon i monia nongkon naa, táe bayádon poḻibu bo tubudon in mosia nongkon ḷoḷan kon diug in pangkoi mita in murbei.

TAWARIKH 1 14:16

Ki Daud in nogaid kon onu inta pinarenta i Allah kon inia. Sia takin tontaranea mita in nomout noidapot in inumundok in tontara in Pilistin pinangkoi kon Gibeon nodapot in Gezer.

YESAYA 13:4

Indongogaika in dowawá kon buḷud, ná singog in pinosipunan in intau inta totok in mobarong. Indongogaika in dowawá in dodatuan mita bo bangusa mita inta noyosipun. Ki Tuhan Inta Totok in mokawasa in nonaridi kon tontara mita in parang.

IMAMAT 26:36

Intaumu mita inta kon pinoḷumbúanpa kon butá intau, popogonúan-Kudon in ondok moḷoben, modapot in umpaka tongá singog in daun irupon tompot yo poḷaguian monia. Moiko in moḷagui naonda bo inaḷowan kon bonu in parang, bo moḷabú umpaka diá in musung kon diugmu.

OUMAN IN RASUL MITA 2:2

Daḻí bo kinodongogan in singog nongkon ḷangit naonda bo tompot moropot nogirup. Baḷoi inta iḻitúan mako in intau mita tatua komintandon kinodongogan in singog tatua.

ULANGAN 20:4

Ki Tuhan Allahmu in dumuduibí sin motuḷung kon i monimu, bo Sia in mopountungbí kon inimu.’

HAKIM MITA 4:14

Bo ki Debora noguman kon i Barak, “Monik, bayádon! Ki Tuhanbí in modia kon inimu. Singgai in naa pountung i Tuhan in moiko kon i Sisera.” Dá nosiḻigdon in ki Barak nongkon Buḷud in Tabor noyotakin in intaunea mopuḷú noribu,

HAKIM MITA 7:15

Naonda in kinodongogan i Gideon in togoindop in intau tatua takin mangaḻenea, dá sia sinumungkudon bo nosumba kon i Allah. Onda intua sia nobuidon kon pinononḷoḷaigan in intau Israel bo noguman, “Posadiadon! Ki Tuhan in mobogoidon in kauntungan kon inimu nongkon tontara mita in intau in Midian!”

HAKIM MITA 7:9

Doḷom tua ki Tuhan noguman kon i Gideon, “Pobangon, Gideon! Bayádon tubu in pinononḷoḷaigan in intau in Midian. Popountung-Kubí in iko nongkon i monia.