TAWARIKH 1 14:12 - Alkitab Singog In Mongondow Masa In Tanaa

¹² Naonda in tontara mita in Pilistin noḷagui, mosia in diádon nokodia kon patong mita berhala monia. Pinoki tubá i Daud in patong mita tatua.

TAWARIKH 1 14:12 ပူးပေါင်းရင်းမြစ်များ

SAMUEL 2 5:21

Tontara mita in Pilistin noḷagui poḷatdon diá kinodiaan monia in bayongan patong mita berhala monia. Patong mita tatua in ginamá i Daud bo in intaunea mita.

DATU MITA 2 10:26

bo nopoḷuai in patong in Baal bo sinubá in patong tatua.

DATU MITA 2 19:18

Dewa mita in sinurub doman bo irimumud, sin dewa mita tatua in totuubí kon diá in kawasa. Mosia tua in tongábí patong nongkon kayu bo batu pinomia in intau.

TAWARIKH 1 14:11

Dá ki Daud takin tontaranea mita in minayá nonubu kon intau mita in Pilistin tatua kon Baal-Perasim bo nonaḷow kon i monia. Ki Daud in noguman, “Ki Allah in nomakédon kon inakó mondangat kon poḷoḷukadan in musung ná ḷunud inta noyompat kon bayongan in yagi-yagi kon bonu in tokokiap.” Tuamai in tampat tatua sinangoian Baal-Perasim.

TAWARIKH 1 14:13

Diá noonggot kon tua intau in Pilistin namangoi bo nogagow bui kon Ḷopá in Repaim.

IḶUAIAN 12:12

Kon doḷom tatua moḻibudon in Akuoi kon bayongan butá in Mesir, bo momatoi kon bayongan adí ḷoḷaki inta guya-guyang, pinomayá intau, ande biag. Akuoi in mohukumdon kon bayongan inta sumbaanmai monia kon Mesir, sin Akuoibí in ki Tuhan.

IḶUAIAN 32:20

Onda intua ginamáneadon in patong sapi inta pinomia in intau mita Israel tatua, bo iḷoḷangnea bui poḷat dinodok kinorimok ná ḷobud, bodongka binaukan in tubig. Onda intua pinoki inumneadon kon intau mita Israel.

ULANGAN 7:25

Tubádon in patong mita berhala inta sinumba monia. Dika mongibog kon saḷaka ande buḷawan inta kopake-paké monia bo dika mogamá sin pakéonmu tontaní. Aka moiko ḻimimpat kon parenta tatua matoi in moiko, sin ki Tuhan Allahmu in doíbí in mokoontong kon posumbaan kon patong berhala.

ULANGAN 7:5

Tuamai, umpagdon in mezbah mita in bangusa mita tatua, rimumudon in oigi mita batu inta inanggap monia mokaramat, pupuḷdon in lambang mita i Asyera, bo tubádon in patong mita berhala inta sinumba monia.