TAWARIKH 1 14:1 - Alkitab Singog In Mongondow Masa In Tanaa

¹ Ki Datu Hiram nongkon butá in Tirus nopotabá in intaunea mita namangoi kon i Daud, poḷat doman nokidia in kayu ḷokuyú in Libanon bo mogogimok mita kon kayu takin bas mita in batu sin moposindog in komaḻig.

TAWARIKH 1 14:1 ပူးပေါင်းရင်းမြစ်များ

SAMUEL 2 7:2

Dá nogumandon in ki datu kon i Nabi Natan, “Indoiai, akuoi in nogutun kon komaḻig inta pinomia nongkon kayu ḷokuyú in Libanon, bokaka Poti in Dodandian i Allah in tongábí sinagú kon bonu in ḷoḷaigan!”

DATU MITA IMITÁNEA 5:1

Ki Hiram, datu in Tirus, umuran noyobayat i Datu Daud. Naonda in kinodongogan i Hiram kon ki Salomo in nobaḻídon datu nonoḻiu kon i Daud, ki amánea, sia in nopotabá in intaunea namangoi kon i Salomo.

DATU MITA IMITÁNEA 5:15

Ki Salomo in nopotabá domandon in 80.000 in intau sin mongurig kon batu nongkon buḷud bo 70.000 in intau mogakut kon batu mita tatua.

DATU MITA IMITÁNEA 5:18

Natuata in mogogaid mita i Salomo bo mogogaid mita i Hiram takin intau mita nongkon kotá in Gebal noposadia in batu bo kayu sin pakéon pogaid kon Baḷoi i Tuhan tatua.

DATU MITA IMITÁNEA 5:6

Kinotaauan bidon i Tuang, kon sigad in rayatku mita diábí in intau inta mopandoi momupuḷ kon kayu ná rayat i Tuang. Tuamai, akuoi in mopoigum aka motaau dá potabápa i Tuang in intau mita i Tuang momupuḷ kon kayu mita in ḷokuyú in Libanon sin pakéonku. Potabákubí in rayatku mita moduḷu kon i monia, bo tongonukabí in tondan inta tantúon i Tuang ogoi kon intau mita i Tuang tua, uboḻiankubí.”

TAWARIKH 1 14:2

Tuamai in noyakindon totok in ki Daud kon ki Tuhan ain nopobaḻí kon inia datu in Israel bo moginropot kon dodatuan nea sin kopontingan in umat i Tuhan.

TAWARIKH 1 17:1

Naonda in ki Datu nogutundon notantú kon komaḻignea, kon singgai tobatú sia nogoiní kon i Nabi Natan bo noguman, “Indoiai, akuoi naa in nogutun kon komaḻig inta pinomia nongkon kayu ḷokuyú in Libanon, bo Poti Dodandian i Tuhan in tongábí kon bonu in ḷoḷaigan!”

TAWARIKH 1 22:2

Ki Datu Daud nokisipun in bayongan intau ango-angoi inta nogutun kon butá in Israel, bo pinoki pogaidannea in mosia. Tongosilai kon i monia in nongurig kon batu sin pakéon pobaḷoi kon Baḷoi Tuhan.

TAWARIKH 2 2:2

Kon oaidan tatua sia in nopotabádon kon 70.000 in intau in mogakut kon pakakat mita in bangunan, 80.000 in intau in mongurig kon batu kon buḷud bo 3.600 in mandor sin moḷukad kon oaidan tatua.

TAWARIKH 2 2:3

Ki Salomo in nokidia in habar tanaa kon i Hiram datu in Tirus, “Poigumonku sinbá ki Tuang momia kon dodandian in totaḷuian takinku naonda bo kon i Daud ki amáku. Ki Tuang ain nopotaḷui kon inia in ḷokuyú in Libanon sin poposindogan in komaḻignea.

EZRA 3:7

Rayat in nobogoidon in doit sin ponondan kon bas mita in batu bo mogogimok mita kon kayu. Mosia in nokidia doman in kaanon, oinumon bo ḷana in zaitun kon kotá mita in Tirus bo Sidon sin ponoḻiu kon kayu ḷokuyú in Libanon nongkon kotá mita tatua. Kayu tatua in dinia kon Yapo pinongin dagat. Tua komintan inaidan in rayat pinodoyon kon parenta i Kores, datu in Persia.